កិច្ចប្រជុំស្តីពីការងារគ្រប់គ្រងមន្ត្រី និងរបៀបរបបធ្វើការ របស់មន្ត្រីរាជការ និងមន្ត្រីជាប់កិច្ចសន្យាក្នុងរដ្ឋបាលខេត្ត
ខេត្តកំពត៖ឯកឧត្តម ជាវ តាយ អភិបាល នៃគណៈអភិបាលខេត្តកំពត បានដឹកនាំកិច្ចប្រជុំស្តីពីការងារគ្រប់គ្រងមន្ត្រី និងរបៀបរបបធ្វើការរបស់មន្ត្រីរាជការ និងមន្ត្រីជាប់កិច្ចសន្យាក្នុងរដ្ឋបាលខេត្តកំពត នាព្រឹកថ្ងៃព្រហស្បតិ៍ ៣កើត ខែអាសាឍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៤ ខែកក្កដា ឆ្នាំ២០១៩ នៅសាលាខេត្តកំពត ។
សមាសភាពដែលអញ្ជើញចូលរួមក្នុងកម្មវិធីនេះមាន នាយក នាយករងរដ្ឋបាល នាយកទីចាត់ការ អង្គភាពចំណុះសាលាខេត្ត សរុបចំនួន១២រូប។
ថ្លែងក្នុងកិច្ចប្រជុំនេះដែរ ឯកឧត្តមអភិបាលខេត្ត បានមានប្រសាសន៍ដូចខាងក្រោម៖
១-សូមឲ្យនាយករដ្ឋបាល និងនាយកទីចាត់ការ-អង្គភាព តាមដានវត្តមានមន្ត្រីរាជការ និងមន្ត្រីជាប់កិច្ចសន្យាទាំងអស់។
២-ស្នើនាយកទីចាត់ការ-អង្គភាព ធ្វើការគ្រប់គ្រងមន្ត្រី និងប្រើប្រាស់មន្ត្រីឲ្យអស់សមត្ថភាព ជៀសវាងមានតែបរិមាណ តែគ្មានគុណភាព។
៣-ស្នើនាយករដ្ឋបាល ស្រង់បញ្ជីសម្ភារ:ដែលខ្វះខាតតាមទីចាត់ការទាំងអស់ ដើម្បីពិនិត្យលទ្ធភាពដោះស្រាយ៕
