ឃាត់ខ្លួនជនសង្ស័យម្នាក់ បញ្ជូនទៅតុលាការ ពាក់ពន្ឋ័ករណី ចែកចាយគ្រឿងញៀន និងកែច្នៃអាវុធខុសច្បាប់
ខេត្តបន្ទាយមានជ័យ៖ជនសង្ស័យម្នាក់ រួមនិងវត្ថុតាងថ្នាំញៀន អាវុធកែច្នៃត្រូវបានកម្លាំងជំនាញ នៃស្នងការដ្ឋាននគរបាលខេត្តបន្ទាយមានជ័យ ចាប់បញ្ជូនទៅតុលាការ កាលពីថ្ងៃទី០៤ ខែកក្កដា ឆ្នាំ២០១៩ បន្ទាប់ពីសង្ស័យថា បានចែកចាយគ្រឿងញៀន និងកែច្នៃកាំភ្លើងដោយខុសច្បាប់ ប្រព្រឹត្តនៅក្នុងភូមិសាស្រ្ត សង្កាត់និមិត្ត ក្រុងប៉ោយប៉ែត ។
គួរបញ្ជាក់ដែរថា៖កាលពីវេលាម៉ោងជាង២ថ្ងៃទី០១ ខែកក្កដា ឆ្នាំ២០១៩កន្លងទៅនេះ កម្លាំងប៉ុស្ដិ៍និមិត្ត បានចុះល្បាតក៏មានការជាប់ពាក់ពន្ធ័ករណីចែកចាយគ្រឿងញៀនដោយខុសច្បាប់ កម្លាំងបានធ្វើការសួរនាំរហូតឈានដល់ការឃាត់ខ្លួនជនសង្ស័យម្នាក់ឈ្មោះ ឆោម រ៉ាឆា ភេទប្រុស អាយុ២១ឆ្នាំ រស់នៅភូមិកូបធំ សង្កាត់និមិត្ត ក្រុងប៉ោយប៉ែត បញ្ជូនមកស្នងការដ្ឋានខេត្ត ដើម្បីកសាងសំណុំរឿង ។
ក្រោយការឆែកឆេរទីតាំងស្នាក់នៅរបស់ជនសង្ស័យ កម្លាំងសមត្ថកិច្ចជំនាញបានរកឃើញកន្លែងដែលជនសង្ស័យ កៃច្នៃកាំភ្លើងខ្យល់ ហើយបានដកហូតកាំភ្លើងច្នៃចំនួន៧ដើម វែង២ដើម ខ្លី៥ដើម រួមជាមួយរំសេវសម្រាប់ផ្ទុះ២ដប គីបផ្ទុះ២បន្ទះបំពងស្តុបខ្យល់៣ដើម បំពង់ខ្យល់ចំនួន៣ដើម ដែកសម្រាប់ធ្វើកាណុងចំនួន១ ដបសម្រាប់ជក់ចំនួន១ថ្នាំញៀនប្រភេទម្សៅ ពណ៌ស ថ្លាចំនួន១១កញ្ចប់តូច។
នៅចំពោះមុខសមត្ថកិច្ចជនសង្ស័យបានសារភាពថា ខ្លួនពិតជាបានចែកចាយគ្រឿងញៀន នឹងបានកែច្នៃកាំភ្លើង ដើម្បីលក់ពិតប្រាកដមែន៕