កោះអញ្ជើញអាជីវករជាប់ព័ន្ធ មកសិក្ខាសាលាផ្សព្វផ្សាយស្តីពីច្បាប់បទប្បញ្ញត្តិ ក្នុងវិស័យអាទិភាព សម្រាប់អ្នកជាប់ព័ន្ធតូច និងមធ្យម
ខេត្តបន្ទាយមានជ័យ៖រដ្ឋបាលខេត្តបន្ទាយមានជ័យ បានកោះអញ្ជើញអាជីវករជាប់ពន្ធមកសិក្ខាសាលា ដើម្បីធ្វើការផ្សព្វផ្សាយ ស្តីពីច្បាប់បទប្បញ្ញត្តិនានា និងសេចក្តីណែនាំខ្លីៗ និងការលើកទឹកចិត្តផ្នែកពន្ធដាក្នុងវិស័យអាទិភាព សម្រាប់អ្នកជាប់ព័ន្ធតូច និងមធ្យម។
សមាសភាពដែលអញ្ជើញចូលរួមមានឯកឧត្តមបណ្ឌិត កែនសម្បត្តិ អគ្គនាយករង នៃអគ្គនាយកដ្ឋានពន្ធដា លោក ខេង ស៊ុម ប្រធានក្រុមប្រឹក្សាខេត្ត ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ លោក ព្រឹម សាលី ប្រធានសាខាពន្ធដាខេត្ត អង្គភាពពាក់ព័ន្ធ និងមន្ទីរជុំវិញខេត្ត ព្រមទាំងអាជីវករមកពីគ្រប់ទីកន្លែង៣០០នាក់។
ជាកិច្ចស្វាគមន៍ ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ បានមានប្រសាសន៍ថា ការកោះអញ្ជើញអាជីវករជាប់ពន្ធមកសិក្ខាសាលានេះ ដើម្បីធ្វើការផ្សព្វផ្សាយ ស្តីពីច្បាប់បទប្បញ្ញត្តិនានា និងសេចក្តីណែនាំខ្លីៗ និងការលើកទឹកចិត្តផ្នែកពន្ធដា ក្នុងវិស័យអាទិភាពសម្រាប់អ្នកជាប់ព័ន្ធតូច និងមធ្យម។
ឯកឧត្តមបានបញ្ជាក់ឲ្យដឹងទៀតថា ក្នុងរយះពេល៥ឆ្នាំចុងក្រោយនេះ សាខាពន្ធដាខេត្តបន្ទាយមានជ័យ ខិតខំប្រឹងប្រែងប្រមូលចំណូលសារពើពន្ធ ជូនរដ្ឋបានលើសផែនការជារៀងរាល់ឆ្នាំ ជាពិសេសឆ្នាំ២០១៨កន្លងទៅនេះ សាខាពន្ធដាខេត្តបន្ទាយមានជ័យ ប្រមូលពន្ធបានចំនួន ៦១.០៤៩លានរៀល ស្មើ១៥.៣លានដុល្លា ធៀបនិងផែនការ២៨.០៦២លានរៀល ស្មើ៧.០១លានដុល្លាស្មើនិង២១៨%។
ហើយរយះពេល៦ខែដើមឆ្នាំ២០១៩នេះសាខាពន្ធដាខេត្តបន្ទាយមានជ័យរកចំណូលប្រមូលបានចំនួន៤៣.១៦៩លានរៀលស្មើនិង១០.៨លានដុល្លា ធៀបនិងផែនការ៣៩.៨៧៥លានរៀលស្មើនិង៨ង៩.៩៨លានដុល្លាស្មើនិង១០៨%។
ក្នុងកិច្ចប្រជុំនោះឧត្តមបណ្ឌិត កែន សម្បត្តិ បានមានប្រសាសន៍ថា ក្នុងសិក្ខាសាលានោះសូមសិក្ខាកាមទាំងអស់ត្រង់ត្រាប់ស្តាប់គ្រូ ធ្វើបទបង្ហាញស្តីពីការផ្សព្វផ្សាយច្បាប់បទប្បញ្ញត្តិក្នុងវិស័យអាទិភាពសម្រាប់អ្នកជាប់ពន្ធតូច និងមធ្យមឲ្យបានយល់អំពីខ្លឹមសា សារពើពន្ធ ដើម្បីឲ្យមានមូលដ្ឋានក្នុងការអនុវត្តរាល់ឯកសារគតិយុទ្ធនានា ជុំវិញការអនុវត្តយុទ្ធសាស្ត្រ កៀរគរកចំណូលរយះពេលធម្យមជូនរដ្ឋ ដែលអង្គសិក្ខាសាលា និងធ្វើបទបង្ហាញអំពីទី១ ការកែទម្រង់របស់អង្គភាពពន្ធដាទី២ សមិទ្ធផលរបស់អង្គភាពពន្ធដាទី៣ អនុក្រឹត្យលេខ១២៤ អ ន ក្រ ទី៤ប្រកាសលេខ១០០ ស ហ វ ប្រក ទី៥សេចក្តីណែនាំលេខ០០១ សហវ និងទី៦សេចក្តីណែនាំលេខ២០៥១៥អពដ។
ឯកឧត្តមបណ្ឌិត កែន សម្បត្តិ បានបញ្ជាក់ឲ្យដឹងទៀតថា ដោយសារតែកិច្ចប្រជុំនេះមានរយះពេលខ្លី អង្គសិក្ខាសាលាទាំងអស់ខិតខំយកចិត្តទុកដាក់ តាមដានស្តាប់រាល់ការធ្វើបទបង្ហាញ និងរាល់ការធ្វើសំណួរចំពោះចំណុចណា ដែលមានភាពស្រពិចស្រពិល ឬនៅមានភាពស្កាក់ស្ទើរក្នុងការអនុវត្តព្រោះនេះជាឪកាសដ៏វិសេសវិសាលសម្រាប់មន្ទីរពន្ធដាខេត្ត ក៏ដូចមន្ទីរ អង្គភាពពាក់ព័ន្ធក្នុងការអនុវត្តតួនាទីភារកិច្ចឲ្យទទួលបានជោគជ័យ ស្របតាមគោលនយោបាយយុទ្ធសាស្ត្រចតុកោណ ដំណាក់កាលទី៤របស់រាជរដ្ឋាភិបាលកម្ពុជា ពិសេសលោក លោកស្រី អាជីវករពាណិជ្ជករដែលជាអ្នកអនុវត្តន៍ការបង់ពន្ធជូនរដ្ឋ៕