ផ្ទុះសំដីបែបហឹង្សា រវាងមន្ត្រីអាវុធហត្ថ និងមន្ត្រីនគរបាល ខណៈពេលចុះស្រាវជ្រាវ ករណីផ្ទុះអាវុធ នៅកណ្ដាលក្រុងសិរីសោភ័ណ
ខេត្តបន្ទាយមានជ័យ៖ផ្ទុះសំដីផ្អើលពលរដ្ឋ និងអ្នកធ្វើដំណើរ កណ្ដាលក្រុងចំនុចផ្លូវប្រាំស្រុក ទល់មុខផ្ទះមេបញ្ជាការរងអាវុធហត្ថខេត្តបន្ទាយមានជ័យ អភិបាលរងខេត្ត មន្រ្តីយោធា រវាងមន្ត្រីកងរាជអាវុធខេត្ត និងនគបាលខេត្តបន្ទាយមានជ័យ ក្នុងករណីចុះស្រាវជ្រាវករណីបាញ់បោះសេរី កាលពីយប់ថ្ងៃទី០២ ខែកក្ដដា ឆ្នាំ២០១៩។
នាព្រឹកថ្ងៃទី០៣ ខែកក្ដដា ឆ្នាំ២០១៩ កម្លាំងទាំពីរមានអាវុធហត្ថ និងនគរបាល ចុះធ្វើការស្រាវជាវក្នុងករណីបាញ់បោះសេរីនោះដែរ។
ហេតុដែលបណ្ដាលអោយមានផ្ទុះសំដី ខ្លាំងរវាងមន្រ្តីយុត្តធម៌ទាំងពីរបណ្ដាលមកពីមេបញ្ជាការអាវុធហត្ថក្រុងសិរីសោភ័ណ លោកវរៈសេនីយ៍ យ៉ាន់ សុវណ្ណ បានបោះសម្ដីថា៖ខាងប៉ូលីលចាប់ពីកូនចៅរហូតដល់មេៗ អ្នកណាថាមិនស្គាល់ លោកមេបញ្ជាការងអាវុធហត្ថខេត្តបន្ទាយមាន លោកវរៈសេនីយ៍ឯក ស ប៊ុនសឿង ចាំបាច់អីនាំកូនចៅគគ្រឹកគគ្រេងមកព័ទ្ធធ្វើអី..។
ដោយការបញ្ចេញសំលេងលាយឡំនិងកំហឹងផងនោះ ព្រមទាំងមានកូនចៅមកអត្តរាគមន៍ លោកវរៈសេនីយឯក ខែម សុភ័ណ្ឌ នាយការិយាល័យព្រហ្មទ័ណ្ឌកំតិស្រាល និងវរៈសេនីយ៍ទោ ភឿង ម៉ាន់សឹង្ហ នាយការិយាល័យព្រហ្មទ័ណ្ឌកំរិធ្ងន់ នៃស្នងការនគរបាលខេត្ត ដែលកំពុងដឹកនាំកម្លាំងខ្លួនចុះវាស់វែងធ្វើកំណត់ហេតុ ដើម្បីស្រាវជ្រាវបន្តករណីបាញ់បោះសេរី កាលពីយប់មិញផងនោះ សំដីគ្រោតគ្រាតបានផ្ទុះឡើងបង្ករជាទំនាល់ផ្អើល ពលរដ្ឋនិងអ្នកធ្វើដំណើរ ផ្ទះខ្លះដែលនៅជិតកន្លែងកើតហេតុ ត្រូវបានទាញទ្វាបិត នាំកូនចៅចូលផ្ទះ ព្រោះខ្លាចផ្ទុះអាវុធ។
ពលរដ្ឋសំដែងការខកចិត្តយ៉ាងខ្លាំង ចំពោះករណីផ្ទះសំដីបែបចង់មានហឹង្សារ ខណៈសមត្តកិច្ចទាំងចុះស្រាវជ្រាវករណីបាញ់បោះសិរីនៅកណ្ដាលក្រុង ដែលទើបបង្ករអោយមានការភ័យខ្លាចកាលពីយប់មិញផងនោះ ហើយមិនទាន់រកឃើញពន្លឺ បែរជាចងបង្ករជម្លោះជាសាធារណះបែបនេះ ដោយម្ខាងចងការពារផ្ទះមេ ហើយម្ខាងទៀតចុះអនុវត្តច្បាប់៕
ពលរដ្ឋនិយាយថា៖វាមិនមានអ្វីដែលជាការលំបាកក្នុងការស្រាវជ្រាវនោះទេ ព្រោះសំលេងផ្ទុះអាវុធនៅចំពីមុខផ្ទះលោកមេបញ្ជាការរងអាវុធហត្ថខេត្ត លោកអភិបាលរងខេត្ត និងមន្រ្តីទាហ៊ានស្រាប់ហើយ ប៉ូលីសបានរកឃើញសំបកគ្រាន់កាំភ្លើងខ្លី ( កាំភ្លើង ៨៥ ឡុក ) ចំនួន៣ គ្រាប់ស្រាប់ហើយដែរ គ្រាន់ឆែកកាំមេរាសុវត្តិភាពនោះវាអាចមានពន្លឺ។
សូមបញ្ជាក់ថា៖កាលយប់ម៉ោងប្រមាណជា១០ យប់រំលងអាធ្រាតប្រមាណជាម៉ោង១០ មានករណីផ្ទុះអាវុធបាញ់បោះសេរីចំនួន៣គ្រាប់ នៅចំនុចផ្លូវប្រាំស្រុក ក្នុងភូមិគោរដ្ឋាន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យដែលនៅកណ្ដាលទីប្រជុំជនក្រុង បង្ករអោយពលរដ្ឋមានការភ័យខ្លាច និងខុសពីគោលនយោបាយភូមិ ឃុំមានសុវត្តិភាព៕