ឃាត់ខ្លួនជនសង្ស័យចំនួន០២នាក់ រួមទាំងវត្ថុតាង ពាក់ពន្ឋ័ករណីគ្រឿងញៀន
ខេត្តកំពង់ស្ពឺ៖កម្លាំងមូលដ្ឋាន កងរាជអាវុធហត្ថ ស្រុកសំរោងទង ដឹកនាំដោយលោកវរសេនីយ៍ទោ វិន ឡេងហួង មេបញ្ជាការ និងមានការសម្របសម្រួលពីលោកស្រី ចាត សូរស្មី ព្រះរាជអាជ្ញាអមសាលាដំបូង ខេត្តកំពង់ស្ពឺ បានឃាត់ខ្លួនជនសង្ស័យចំនួន០២នាក់ ពាក់ពន្ឋ័ករណ៍ជួញដូរនូវសារធាតុញៀន។
សូមជំរាបដែរថា៖ការចុះប្រតិបត្តិការបង្ក្រាបនេះ បានធ្វើឡើងកាលពីថ្ងៃទី០៣ ខែកក្តដា ឆ្នាំ២០១៩ នៅចំណុចភូមិកែវឩត្តម ឃុំត្រពាំងគង ស្រុកសំរោងទង ខេត្តកំពង់ស្ព។
ជនសង្ស័យដែលត្រូវឃាត់ខ្លួនមានឈ្មោះ យឹម សុភាព ភេទ ប្រុសអាយុ៤៨ឆ្នាំ មុខរបរ មិនពិតប្រាកដមានទីលំនៅ ភូមិ ឃុំ ខាងលើ និងឈ្មោះ យឹម សារ៉េត ភេទស្រីអាយុ៤៣ឆ្នាំ មុខរបរមិនពិតប្រាកដមានទីលំនៅ ភូមិ ឃុំ ជាមួយគ្នា។
ក្រោយពីបង្ក្រាបកម្លាំងដកហូតបាននូវវត្ថុតាងមួយចំនួនរួមមាន៖ថ្នាំញៀនម៉ាទឹកកក ចំនួន១១កញ្ចប់ស្មើ៣.0៥ក្រាម,ដែកកេះ០៧,ដបជក់ថ្នាំញៀន០៧,កន្រ្តៃ០១,ថង់ច្រកថ្នាំ៥៤០ថង់,ប្រាក់រៀល១៣ម៉ឺនរៀល,ដាវ០១.ទូរស័ព្ទ១៩គ្រឿង,ម៉ូតូចំនួន០១គ្រឿង,កាំបិតផ្កាក០៣,ពូថៅ០១ ។
បច្ចុប្បន្នជនសង្ស័យ រួមនិងវត្ថុតាង ត្រូវបានបានបញ្ជូនទៅបញ្ជាការដ្ឋានកងរាជអាវុធហត្ថខេត្តកំពង់ស្ពឺដើម្បីចាត់ការតាមនីតិវិធីច្បាប់៕
