រដ្ឋបាលខេត្តកំពត បើកកិច្ចប្រជុំគណៈអភិបាលខេត្ត ប្រចាំខែកក្កដាឆ្នាំ២០១៩ ក្រោមអធិបតីភាពឯកឧត្ដម ជាវ តាយ
ខេត្តកំពត៖កាលពីព្រឹកថ្ងៃទី៣១ ខែកក្កដា ឆ្នាំ២០១៩ រដ្ឋបាលខេត្តកំពត បានបើកកិច្ចប្រជុំគណៈអភិបាលខេត្តប្រចាំខែកក្កដាឆ្នាំ២០១៩ ក្រោមអធិបតីភាព លោក ជាវ តាយ អភិបាល នៃគណៈអភិបាលខេត្ត និងមានការចូលរួមពីលោក-លោកស្រីជាអភិបាលរងខេត្ត ថ្នាក់ដឹកនាំ នៃអង្គភាពចំណុះសាលាខេត្ត និងមន្ទីរ អង្គភាពជុំវិញខេត្តព្រមទាំងអាជ្ញាធរក្រុង ស្រុកសរុបសមាជិកចំនួន៧២នាក់។
តាមរបៀបវារៈកិច្ចប្រជុំរួមមាន៖
១/-ពិនិត្យ ពិភាក្សាលើសេចក្ដីព្រាងរបាយការណ៍ប្រចាំខែកក្កដាឆ្នាំ២០១៩ស្ដីពីការអនុវត្តការងាររបស់រដ្ឋបាលខេត្ត។
២/-ពិនិត្យពិភាក្សាលើលើការចែងចែកប្រាក់រង្វាន់លើកទឹកចិត្តជូនមន្ត្រីរាជការខែមិថុនាឆ្នាំ២០១៩។
៣/-ពិនិត្យពិភាក្សាលើការកែសម្រួលឡើងវិញនូវសមាសភាពនៃសេចក្ដីសម្រេចស្ដីពី គណៈកម្មាធិការសម្របសម្រួលបច្ចេកទេសក្រុមប្រឹក្សា។
៤/-ពិនិត្យ ពិភាក្សាលើការកែសម្រួលឡើងវិញនូវសមាសភាពនៃសេចក្ដីសម្រេចមស្ដីពីគណៈកម្មាធិការលទ្ធកម្មក្រុមប្រឹក្សា។
៥/-ពិនិត្យ ពិភាក្សាលើការកែសម្រួលឡើងវិញសមាសភាពស្ដីពីក្រុមការងារកសាងផែនការ និងកម្មវិធីវិនិយោគបីឆ្នាំរំកិលខេត្ត។
៦/-ពិនិត្យ ពិភាក្សាលើការកែសម្រួលឡើងវិញនូវសមាសភាពនៃសេចក្ដីសម្រេចស្ដីពីគណៈកម្មាធិការរៀបចំគម្រោងខេត្ត។
៧/-ពិនិត្យ ពិភាក្សាលើការកែសម្រួលឡើងនូវវិញសមាសភាពនៃសេចក្តីសម្រេចស្ដីពី គណៈកម្មាធិការពិគ្រោះយោបល់កិច្ចការស្ត្រី និងកុមារក្រុមប្រឹក្សាខេត្ត។
៨/-ពិនិត្យ ពិភាក្សាលើការកែសម្រួលឡើងវិញនូវសមាសភាពនៃសេចក្ដីសម្រេចស្ដីពី គណៈកម្មាធិការបោះឆ្នោតប្រធាន អនុប្រធានការិយាល័យប្រជាពលរដ្ឋខេត្ត។
៩/-ពិនិត្យ និងផ្ដល់យោបល់លើសេចក្ដីណែនាំ ស្ដីពីការរៀបចំកម្មវិធីវិនិយោគខេត្ត។
១០/-ពិនិត្យ ពិភាក្សាលើសំណើសុំកែសម្របសម្រួលគម្រោងខេត្តឆ្នាំ២០១៩ផ្លូវពីស្តុបភូមិតាអេងដល់កីឡាហែលទឹកពីផ្លូវកៅស៊ូA/Cមកជាផ្លូវបេតុងវិញ។
មានប្រសាសន៍ក្នុងកិច្ចប្រជុំ បន្ទាប់ពីអង្គប្រជុំបានពិនិត្យពិភាក្សាកែសម្រួលលើរបាយណ៍នូវចំណុចសំខាន់ៗរួចមក លោក ជាវ តាយ អភិបាលខេត្តកំពត បានកោតសរសើរវាយតម្លៃខ្ពស់ចំពោះលទ្ធផលការងារដែលមន្ទីរ អង្គភាពជំនាញ ក៏ដូចជាសមត្ថកិច្ចអាជ្ញាធរមូលដ្ឋាន កងកម្លាំងប្រដាប់អាវុធទាំងអស់ ដែលបានយកចិត្តទុកដាក់សហការគ្នាល្អបំពេញតួនាទីភារកិច្ចរបស់ខ្លួនប្រកបដោយស្មារតីទទួលខុសត្រូវខ្ពស់នារយៈពេលកន្លងមកក្នុងដំណើរកិច្ចអភិវឌ្ឍខេត្ត ក៏ដូចជាការធានាបាននូវសន្តិសុខសណ្ដាប់ធ្នាប់ និងបម្រើបានទាំងសេវារដ្ឋបាលនិងសេវាសាធារណៈ ធ្វើឲ្យជីវភាពប្រជាពលរដ្ឋបានកាន់តែប្រសើរឡើង ឆ្លើយតបបានទៅនឹងគោលនយោបាយរាជរដ្ឋាភិបាលក្នុងការកាត់បន្ថយភាពក្រីក្រ៕
