បុរសម្នាក់ ទិញសាំងដុតសម្លាប់ខ្លួនឯង មិនដឹងពីមូលហេតុ
ខេត្តបាត់ដំបង៖កាលពីថ្ងៃទី២៨ ខែកក្កដា ឆ្នាំ២០១៩ មានករណីដែលគួរឲ្យភ្ញាក់ផ្អើលមួយបានកើតឡើង ដោយបុរសម្នាក់បានយកសាំដុតសម្លាប់ខ្លួនឯងដោយមិនដឹងពីមូលហេតុ នៅចំណុចក្រុម១៥ ភូមិពពាលខែ ឃុំអូរតាគី ស្រុកថ្មគោល ខេត្តបាត់ដំបង។
សាកសពត្រូវបានស្គាល់ថា ឈ្មោះ គុណ សំរិទ្ធ ភេទប្រុស អាយុ៣២ឆ្នាំ រស់នៅភូមិ ឃុំកើតហេតុខាងលើ។
បើតាមការបំភ្លឺរបស់ម្ដាយសពឈ្មោះ ជុន ចិន្ដា អាយុ៦៤ឆ្នាំ បានឲ្យដឹងថា៖កាលពីថ្ងៃទី២៧ ខែកក្កដា ឆ្នាំ២០១៩ វេលាម៉ោង២រសៀល កូនគាត់បានសុំលុយចំននួន២ពាន់រៀល ប្រើកូនក្មេងទៅទិញសាំងឲ្យ តែគ្មាននរណាទិញឲ្យ ហើយខណៈជនរងគ្រោះបាននិយាយថា ខ្លួននឹងទៅទិញសាំងដុតខ្លួនឯងឲ្យបាន ដោយលឺដូច្នោះម្តាយក៏លួងលោមកូនឲ្យទៅដេក រហូតដល់ម៉ោង៥ល្ងាច កូនគាត់ក៏ភ្ញាក់ពីដេក ក៏ប្រាប់គាត់(ម្តាយ)ថា ចាំមើលខ្ញុំដុតខ្លួនឲ្យបានសម្រេច រួចជនរងគ្រោះក៏ដើរចេញពីផ្ទះបាត់ទៅ រហូតដល់យប់មិនឃើញត្រឡប់មកផ្ទះវិញទេ លុះព្រឹកឡើងម្តាយដើររកនៅក្នុងបរិវេណសាលារៀនពពាលខែ ស្រាប់តែឃើញកូនដេកស្លាប់ដោយដុតខ្លួនតែម្ដង។
ក្រោយមកសមត្ថកិច្ចជំនាញបានចុះធ្វើកោសល្យវិច្ច័យ ឃើញថាជនរងគ្រោះពិតជាស្លាប់ ដោយសារធ្វើអត្តឃាតចាក់សាំងដុតសម្លាប់ខ្លួនឯកពិតប្រាកដមែន។បើតាមការបញ្ជាក់ពីក្រុមគ្រួសារជនរងគ្រោះថា ជនរងគ្រោះមានសតិមិនគ្រប់។
ក្រោយពីធ្វើកោសល្យវិច្ច័យ សមត្ថកិច្ចជំនាញបានប្រគល់សាកសព ឲ្យក្រុមគ្រួសារយកទៅធ្វើបុណ្យតាមប្រពៃណី៕