លោកឧត្តមសេនីយ៍ត្រី បោន ប៊ិន ដឹកនាំមន្ត្រីក្រោមឱវាតប្រគល់ផ្ទះ និងគ្រឿងឧបភោគបរិភោគមួយចំនួនធំ ជូនលោកយាយពិការភ្នែកទាំងសងខាង នៅស្រុកថ្មពួក
ខេត្តបន្ទាយមានជ័យ៖នាព្រឹកថ្ងៃទី០២ ខែកក្កដា ឆ្នាំ២០១៩ លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ បានដឹកនាំមន្ត្រីក្រោមឱវាតជាច្រើនរូប ប្រគល់ផ្ទះ និងគ្រឿងឧបភោគបរិភោគយ៉ាងច្រើនសន្ធឹកសន្ធាប់ ជូនលោកយាយចាស់ជរាពិការភ្នែកទាំងសងខាង ឈ្មោះ ធន់ ឈៀងអូន អាយុ៧០ឆ្នាំ រស់នៅជាមួយចៅ ស្ថិតនៅភូមិស្វាយជ្រុំ ឃុំគំរូ ស្រុកថ្មពួក ខេត្តបន្ទាយមានជ័យ តាមការសន្យារបស់លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត តាមរយៈលោកវរសេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្ត។
លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត បានប្រាប់អ្នកយកព័ត៌មានឲ្យដឹងថា ផ្ទះធ្វើជូនលោកយាយពិការភ្នែកទាំងសងខាងនោះ មានទំហំ ៥ម៉ែត្រX៦ម៉ែត្រ ធ្វើអំពីឈើប្រក់ស័ង្កសី ក្រាលបេតុង និងឧបត្ថម្ភមបន្ថែមជាសម្ភារៈប្រើប្រាស់ និងគ្រឿងឧបភោគ បរិភោគ មួយចំនួនបន្ថែមទៀតមានដូចជា៖គ្រែដេក១,មុង១,ភួយ១,មី៤កេស,ទឹកត្រី ២យួរ,ទឹកស៊ីអ៊ីវ២យួរ,ចានដែកបោកខោអាវ១,ឆ្នាំងបាយ១,ឆ្នាំសម្លរ១,ត្រីខ១យួរ,ស្លាបព្រា១ឡូត៍,វែកបាយ១,វែកសម្លរ១,ផ្តិលទឹក១,ទឹកបរិសុទ្ធ០១យួរ,កាំសៀវដាំទឹក១,ចានបាយ១០,ចានសម្លរ៤,អង្ករ១០០គីឡូត៍ក្រាម និងថវិកាចំនួន១.៥០០.០០០រៀលផងដែរ។
លោកឧត្តមសេនីយ៍ត្រី បោន ប៊ិន បានបញ្ជាក់ឲ្យដឹងទៀតថា៖ដោយទទួលតាមបទបញ្ជារបស់លោកនាយឧត្តមសេនីយ៍ សៅ សុខា អគ្គមេបញ្ជារង នៃកងយោធពលខមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេសកន្លងមក លោកតែងតែឲ្យមេបញ្ជាការខេត្ត ក្រុងទាំងអស់ ត្រូវបន្តចុះជួយឧបត្ថម្ភជាថវិកានិងសម្ភារះដល់ គ្រួសារទុរគ្គតជន គ្រួសារផ្ទុកមេរោគអេដ៍ និងកុមារកំព្រាឲ្យបាន និងគ្រួសារទីទាល់ក្រ គ្មានលុយធ្វើបុណ្យសព ជាប្រចាំដែលជួបទុក្ខលំបាកផ្សេងៗ ជាយថាហេតុ ដោយមិនប្រកាន់និន្នាការនយោបាយអ្វីនោះឡើយ។
លោកឧត្តមសេនីយ៍ត្រី បានធ្វើការសន្យាថា និងធ្វើផ្ទះជូនលោកយាយ ធន់ ឈៀងអូន អាយុ៧០ឆ្នាំនេះរយះពេលកន្លងមក ក្រោយពីធ្វើផ្ទះហើយធ្វើពិធីប្រគល់នៅថ្ងៃនេះតែម្តង។ក្នុងនោះក្រុមគ្រួសារសពបានលើកម្រាមដៃដប់សូមបួងសួងដល់វត្ថុក្នុងលោកសូមជួយបីបាច់ និងថែរក្សាដល់ថ្នាក់ដឹកនាំ មន្ត្រីកងរាជអាវុធហត្ថ ខេត្តបន្ទាយមានជ័យ ជាពិសេសគឺលោកឧត្តមសេនីយ៍ត្រី បោន ប៊ិន និងមន្ត្រីក្រោមឱវាទទាំងអស់ដែលបានជួយដល់ការងារសង្គម និងការពារសន្តិសុខដល់ប្រជាពលរដ្ឋ ដោយ មិនគិតពីការនឿយហត់អំពីភារកិច្ចដែលថ្នាក់លើដាក់ឲ្យ ដើម្បីប្រជាពលរដ្ឋក្នុងតំបន់មានសុវត្ថិភាព សូមឲ្យលោកទាំងអស់មានសេចក្តីសុខក្នុងក្រុមគ្រួសារ និងមានសុខភាពល្អគ្រប់ៗគ្នាផងដែរ៕