ចាប់ឃាត់ខ្លួនជនសង្ស័យ១នាក់ ពាក់ពន្ឋ័ពីបទលួច (មានស្ថានទម្ងន់) នៅស្រុកកៀនស្វាយ
ខេត្តកណ្តាល៖នាវេលាម៉ោង១០:០០នាទី ថ្ងៃទី២៧ ខែកក្កដាឆ្នាំ២០១៩ កម្លាំងផ្នែកជំនាញ សហការជាមួយកម្លាំងប៉ុស្តិ៍គគីរ បានចាប់ឃាត់ខ្លួនជនសង្ស័យម្នាក់ឈ្មោះ ពៅ ចិន្តារ៉ា ហៅគោ ភេទប្រុស អាយុ២០ឆ្នាំ ជនជាតិខ្មែរ មានទីលំនៅបច្ចុប្បន្ន ភូមិតារាបដូនស ឃុំគគីរ ស្រុកកៀនស្វាយ ខេត្តកណ្តាល មុខរបរមិនប្រាកដ ពីបទលួច (មានស្ថានទម្ងន់) ប្រព្រឹត្តិនៅភូមិទួលដូង ឃុំគគីរ ស្រុកកៀនស្វាយ ខេត្តកណ្តាល កាលពីថ្ងៃទី០៤ ខែមករា ឆ្នាំ២០១៣។
បញ្ជាក់ ការឃាត់ខ្លួននេះតាមដីកាលេខ៤៦០ ចុះថ្ងៃទី០១ ខែសីហា ឆ្នាំ២០១៣ របស់លោក អិន វ៉ានវិបុល ប្រធានក្រុមជំនុំសមូហភាព នៃសាលាដំបូងខេត្តកណ្ដាល។
បច្ចុប្បន្ន ជនសង្ស័យ ត្រូវបានសមត្ថកិច្ចបញ្ជូនខ្លួនទៅកាន់សាលាដំបូងខេត្តកណ្តាល ដើម្បីចាត់ការតាមនីតិវិធីបន្ត ៕