ចាប់ឃាត់ខ្លួន ជនសង្ស័យ០២នាក់ ពាក់ពន្ឋ័ករណីឆក់យកទូរសព្ទ័ដៃ
រាជធានីភ្នំពេញ៖ជនសង្ស័យចំនួន០២នាក់ ដែលជាប់ពាក់ពន្ឋ័ករណីធ្វើសកម្មភាពឆក់យកទូរសព្ទ័ដៃ ពីហោប៉ៅ ត្រូវបានកម្លាំងប៉ុស្តិ៍រដ្ឋបាលទឹកថ្លា ចាប់ឃាត់ខ្លួន នៅចំណុចមុខសាលាមុំ ផ្លូវ២០០២កែងផ្លូវ៥៥៥ ភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ កាលពីវេលាម៉ោង១៩ និង៤០នាទីយប់ ថ្ងៃទី២៤ ខែកក្កដា ឆ្នាំ២០១៩។
សមត្ថកិច្ចបានឲ្យដឹងថា ជនសង្ស័ងទាំង០២នាក់មាន ឈ្មោះ មាឃ បូណា ភេទប្រុស អាយុ២១ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួល ផ្លូវបេតុង ភូមិដង្កោ សង្កាត់ដង្កោ ខណ្ឌពោដង្កោ (គ្មានសារធាតុញៀន) និង
ឈ្មោះ ឡោ ចំណាន ភេទប្រុស អាយុ២០ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួល ផ្លូវបេតុង ភូមិដង្កោ សង្កាត់ដង្កោ ខណ្ឌពោដង្កោ (គ្មានសារធាតុញៀន) ។
ចំណែកឯជនរងគ្រោះ មានឈ្មោះ កង វិបុល ភេទប្រុស អាយុ២៤ឆ្នាំ ជនជាតិខ្មែរ មុខរបរនៅផ្ទះ ស្នាក់នៅផផ្ទះជួល ផ្លូវបេតុង ភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ ។សម្ភារៈបាត់បង់មាន ទូរសព្ទ័០១គ្រឿងម៉ាកអាយហ្វូន 7plus ។
សម្ភារៈបន្សល់ទុករួមមាន ម៉ូតូ០១គ្រឿងម៉ាក សេ១២៥ ពណ៌ខ្មៅ ផលិតឆ្នាំ២០១៧ ពាក់ស្លាកលេខកំពត1L-8498 របស់ជនសង្ស័យ។
សមត្ថកិច្ចបានបន្ដថា មុនពេលកើរហេតុ ជនរងគ្រោះកំពុងជិះម៉ូតូ តែម្នាក់ឯងមកដល់ចំណុចកើតហេតុខាងលើ ស្រាប់តែមានជនសង្ស័យខាលើបានជិះម៉ូតូ០១គ្រឿង មកពីក្រោយជនរងគ្រោះ រួចធ្វើសកម្មភាពឆក់យកទូរសព្ទ័ដៃពីហោប៉ៅខោរបស់ជនរងគ្រោះ រួចបើកម៉ូតូគេចខ្លួន ភ្លាមនោះជនរងគ្រោះបានស្រែកថាចោៗ និងបានជិះម៉ូតូដេញតាម តែជនសង្ស័យបានបន្ថែមល្បឿនម៉ូតូជិះគេចខ្លួន ដល់សង្កាត់ស្រះចក ខណ្ឌដូនពេញ ទើបចាប់បានជនសង្ស័យប្រគល់ឲ្យសមត្ថកិច្ចប៉ុស្តិ៍ទឹកថ្លាធ្វើការសាកសួរ នៅអធិការដ្ឋាននគរបាលខណ្ឌសែនសុខ ហើយជនរងគ្រោះ បានដាក់ពាក្យបណ្តឹងចោទប្រកាន់ជនសង្ស័យតែម្តង៕
