ឈើប្រណិតជាច្រើនដុំ ដែលឈ្មួញយកមកលាក់ទុក នៅក្នុងព្រៃស្រុកសំបូរ ត្រូវបានសមត្ថកិច្ច រឹបអូសយកប្រគល់ ឱ្យសង្កាត់រដ្ឋបាលព្រៃឈើអូរគ្រៀល
ខេត្តក្រចេះ៖កាលពីវេលាម៉ោង១២ថ្ងៃត្រង់ ថ្ងៃចន្ទ ៦រោច ខែអាសាឍ ឆ្នាំកុរ ឯកស័កពុទ្ធសករាជ ២៥៦៣ ត្រូវនឹងថ្ងៃទី២២ ខែកក្កដា ឆ្នាំ២០១៩ កម្លាំងកងរាជអាវុធហត្ថខេត្តក្រចេះ និងកម្លាំងស្នាក់ការសន្តិសុខ៧០៨ ដឹកនាំកម្លាំងដោយលោកវរសេនីយ៍ឯក ឡុង យឹង មេបញ្ជាការរងកងរាជអាវុធហត្ថខេត្តក្រចេះ ដោយមានការសម្របសម្រួលពីលោកឧត្តមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថខេត្តក្រចេះ ចុះបង្រ្កាបឈើធ្នង់ និងកកោះជាច្រើនដុំ ដែលឈ្មួញយកមកលាក់ទុក្ខក្នុងព្រៃ នៅចំណុចភូមិអូរកណ្តៀរ ឃុំអូរគ្រៀង ស្រុកសំបូរ ខេត្តក្រចេះ។
អាវុធហត្ថខេត្តក្រចេះបានអោយដឹងថា ឈើទាំងនោះមានធ្នង់ និងឈើលេខ១ កកោះ ជាច្រើនដុំ ប៉ុន្តែខាងជំនាញមិនទាន់បានធ្វើការវាស់វែងនៅឡើយទេ ។
បច្ចុប្បន្នកម្លាំងបានប្រគល់អោយទៅខាងសង្កាត់រដ្ឋបាលព្រៃឈើអូរគ្រៀងរួចរាល់ហើយ៕
