កិច្ចប្រជុំស្តីពី ពង្រឹងកិច្ចសហប្រតិបត្តិការ បង្ក្រាបបទល្មេីសគ្រឿងញៀន នៅតាមក្លឹបកម្សាន្ត កន្លែងសប្បាយដ្ឋាន ក្នុងខេត្តសៀមរាប
ខេត្តសៀមរាប៖នាថ្ងៃច័ន្ទ ៦រោច ខែអាសាឍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២២ ខែកក្កដា ឆ្នាំ២០១៩ រដ្ឋបាលខេត្តសៀមរាប ដឹកនាំដោយលោក ពិន ប្រាកដ អភិបាលរង នៃគណៈអភិបាលខេត្ត និងជាតំណាងដ៏ខ្ពង់ខ្ពស់ ឯកឧត្តម ទៀ សីហា អភិបាល នៃគណៈអភិបាលខេត្តសៀមរាប បានបេីកកិច្ចប្រជុំស្តីពី ការពង្រឹងកិច្ចសហប្រតិបត្តិការបង្ក្រាបបទល្មើសគ្រឿងញៀន នៅតាមក្លឹបកម្សាន្ត កន្លែងសប្បាយដ្ឋាន នៅក្នុងខេត្តសៀមរាប ដោយកិច្ចប្រជុំនេះមានការអញ្ជេីញចូលរួមពី លោកស្នងកានគរបាលខេត្ត តំណាងគណ:កម្មាធិការត្រួតគ្រឿងញៀនខេត្ត ក្រុង ស្រុក ម្ចាស់ក្រុមហ៊ុន ម្ចាស់ក្លឹបកម្សាន្ត សប្បាយដ្ឋាន ម្ចាស់ទីតាំង Internet Online និងអ្នកពាក់ព័ន្ធសរុបចំនួន១០០នាក់។
ក្នុងឱកាសនោះ លោកអភិបាលរងខេត្ត និងជាប្រធានលេខាធិការដ្ឋានត្រួតពិនិត្យគ្រឿងញៀនខេត្ត បានថ្លែងស្វាគមន៍ និងរបាយការណ៍ថា បច្ចុប្បន្នខេត្តសៀមរាប មានសណ្ឋាគារ ផ្ទះសំណាក់ ខារ៉ាអូខេ-ឌីស្កូតែក ហាងម៉ាស្សាកោសជប់ អាហារដ្ឋាន -ភោជនីយដ្ឋាន រមណីយដ្ឋាន រោងចក្រ សហគ្រាស សិប្បកម្ម ដែលមានកម្មករប្រេីកម្លាំងធ្ងន់ៗ អាចងាយនឹងប្រេីសារធាតុញៀនលេីកកម្លាំង។
ក្នុងនោះដែរ លោកអភិបាលរងខេត្ត ក៏បានបន្ថែមដោយសង្កត់ធ្ងន់ថា ស្នងការនគរបាលខេត្ត បញ្ជាការដ្ឋានកងរាជអាវុធហត្ថខេត្ត ត្រូវចាត់វិធានការបង្រ្កាបល្បែងស៉ីសងគ្រប់ភេទ និងតាមOnline ឲ្យបានម៉ឺងម៉ាត់បំផុត ក្នុងករណីមានការសង្ស័យកេីតមាន នូវបទល្មេីសគ្រឿងញៀនក្នុងទីតាំងអាជីវកម្ម ហេីយម្ចាស់ទីតាំងអាជីវកម្ម បានស្នេីសុំនូវកិច្ចសហការពីសមត្ថកិច្ច សមត្ថកិច្ចត្រូវតែឆ្លេីយតប ធ្វេីអន្តរាគមន៍ភ្លាមៗ ហេីយចៀសឲ្យបានដាច់ខាត កុំពាក់ព័ន្ធ កុំនៅពីក្រោយធ្វើជាបង្អែក កុំបន្ធូរបន្ថយ និងកុំអន្តរាគមន៍ក្នុងករណីបទល្មើសគ្រឿងញៀន។
ជាមួយគ្នានោះដែរ លោក ឈឹម វឍ្ឍនៈ អគ្គនាយកសែនសប្បាយ ទាំង១០សាខា ក្នុងខេត្តសៀមរាប តំណាងម្ចាស់អាជីវកម្មទាំង បានសាទរ និងរីករាយក្នុងការសហការជាមួយអាជ្ញាធរមានសមត្ថកិច្ចគ្រប់កាលៈទេសៈ និងគ្រប់ពេលវេលា៕
