សម្ពោធដាក់ឲ្យប្រើប្រាស់នៅវិទ្យាល័យ អាពូប៉ាកេីឥស្លាមកម្ពុជា ក្រោមអធិបតីភាពដ៏ខ្ពង់ខ្ពស់ ឯកឧត្តម ឧកញ៉ា បណ្ឌិត ដាតុ អូស្មាន ហាស្សាន់
ខេត្តកំពង់ឆ្នាំង៖នាថ្ងៃអង្គារ៧ រោច. ខែអាសាឍ ឆ្នាំកុរ ឯកស័ក ពុទ្ធស័ករាជ ២៥៥៧
ត្រូវនឹងថ្ងៃទី២៣ ខែកក្កដា ឆ្នាំ ២០១៩ ឯកឧត្តម ឧកញ៉ា បណ្ឌិត ដាតុ អូស្មាន
ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានអង្គភាពមូលនិធិអភិវឌ្ឍន៍មុស្លឹមកម្ពុជា បានអញ្ជើញជាអធិបតីក្នុងវិធីសម្ភោធអគារសិក្សាវិទ្យាល័យ អាពូប៉ាកេីរឥស្លាមកម្ពុជា ភូមិច្រករមៀត ឃុំឈូកស ស្រុកកំពង់ត្រឡាច ខេត្តកំពង់ឆ្នាំង។
វិទ្យាល័យអាពូប៉ាកាអ៊ីស្លាមកម្ពុជា បានបង្កើតឡើងនៅឆ្នាំ២០១១ ហើយត្រូវបានទទួលស្គាល់ដោយក្រសួងអប់រំយុវជន និងកីឡាតាមប្រកាសលេខ២៥៤៥ អ យ ក .ប្រក ចុះថ្ងៃទី១ ខែកក្កដា ឆ្នាំ២០១៣។
វិទ្យាល័យនេះ ស្ថិតនៅក្រោមការគ្រប់គ្រងរបស់សមាគមបង្ហាញផ្លូវល្អ និអភិវឌ្ឍន៍សង្គម ដោយចាប់ផ្ដើមសាងសង់ឡើងនៅថ្ងៃទី៤ ខែកក្កដា ឆ្នាំ២០១៣ មានចំនួន ៤៥បន្ទប់ ចែកចេញជាបន្ទប់រៀន បន្ទប់ស្នាក់នៅសម្រាប់សិស្ស បន្ទប់ស្នាក់នៅសម្រាប់តួនៗ ការិយាល័យសមាគម ការិយាល័យអប់រំផ្នែកចំណេះដឹងទូទៅ ការិយាល័យអប់រំផ្នែកសាសនា បន្ទប់ពិគ្រោះពិនិត្យព្យាបាលជំងឺ បន្ទប់កុំព្យូទ័រ បណ្ណាល័យ និងសាលប្រជុំ។
ថវិកាដែលចំណាយលើការសាងសង់នេះសរុប-792,050.03$(ចិតសិបប្របួនមុឺពីរពាន់ហាសិបដុល្លា នឹងបីសេន) ជាជំនួយបានមកពីមួយ
១.រដ្ឋាភិបាល នៃព្រះរាជាណាចក្រអារ៉ាប៊ីសាអូឌីត-ចំនួន100,000.00$
២.សប្បុរស់ជនប្រទេស អារ៉ាប៊ីសាអូឌីត ចំនួន-568,023.63$
៣.សពបុរសជនប្រទេស អេមីរ៉ាត អារ៉ាប់រួម-ចំនួន 109,388.40$
៤.សមាគមសម្របសម្រួល និងអភិវឌ្ឍន៍សង្គមនៃប្រទេសគូវ ត-ចំនួន15,000.00$
ក្រោមការដឹកនាំដ៏ត្រឹមត្រូវនិងឆ្លាតវៃរបស់ប្រមុខរាជរដ្ឋាភិបាលដែលមាន សម្ដេចអគ្គ មហាសេនា បតីតេជោ ហ៊ុន សែន ជាប្រមុខបានធ្វើឲ្យប្រទេសជាតិ មានសុខសន្តិភាព មានសេរីភាព និងមានការអភិវឌ្ឍន៍ គ្រប់វិស័យទាំងអស់។
ដើម្បីចូលរួមចំណែកជាមួយរាជរដ្ឋាភិបាលកម្ពុជាក្នុងការអភិវឌ្ឍធនធានមនុស្ស សមាគមបង្ហាញផ្លូវល្អ និងអភិវឌ្ឍន៍សង្គម បានបង្កើតមជ្ឈមណ្ឌលអប់រំ បណ្ដុះបណ្ដាលធនធានមនុស្សដែលមាន ឈ្មោះថា វិទ្យាល័យ (អាពូម៉ាកេីរឥស្លាមកម្ពុជា)។
វិទ្យាល័យនេះមានបង្រៀនទាំងផ្នែកចំណេះដឹងទូទៅ និងផ្នែកសាសនាឥស្លាម ចាប់ពីថ្នាក់ទី៧ដល់ថ្នាក់ទី១២ ចាប់តាំងពីបើកដំណើរការមក វិទ្យាល័យ(អាពូបាកេីរឥស្លាមកម្ពុជា)បានឆ្លងកាត់ការប្រឡងមធ្យមសិក្សាបឋមភូមិ៤ជនាន់ លទ្ធផលជាប់ 100% និងបានឆ្លងកាត់ការប្រឡងមធ្យមសិក្សាទុតិយភូមិ១ជំនាន់លទ្ធផលជាប់ 83%។
វិទ្យាល័យ(អាពូប៉ាកេីរឥស្លាមកម្ពុជា)បានផ្ដល់ការផ្គត់ផ្គង់ទាំងអស់លើការហូបចុក ការស្នាក់នៅ ទឹក ភ្លើង និងថ្លៃសិក្សារបស់សិស្ស ដែលក្នុងមួយឆ្នាំៗ (មាគមបង្ហាញផ្លូវល្អនិងអភិវឌ្ឍន៍សង្គម)បានចំណាយថវិកាអស់ជាង១៣ម៉ឺនដុល្លារ ដើម្បីផ្គត់ផ្គង់លើការចំណាយខាងលើ ៕
