ចាប់ឃាត់ខ្លួន ជនសង្ស័យចំនួន៤នាក់ បញ្ជូនទៅតុលាការ ពាក់ពន្ឋ័ករណីគ្រឿងញៀន
ខេត្តរតនគិរី៖ជនសង្ស័យចំនួន៤នាក់ ដែលជាប់ពាក់ពន្ឋ័ករណីគ្រឿងញៀន ត្រូវបានកម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្ត ចុះបង្ក្រាបជាក់ស្តែង កាលពីវេលាម៉ោងជាង៣រសៀល ថ្ងៃទី២១ ខែកក្កដា ឆ្នាំ២០១៩ កន្លងទៅ ត្រង់ចំណុចផ្ទះជនសង្ស័យ ស្ថិតនៅក្នុងភូមិ ថ្មី សង្កាត់ឡាបានសៀក ក្រុងបានលុង ខេត្តរតនគិរី។
សមត្ថកិច្ចបានឲ្យដឹងថា ជនសង្ស័យទាំង០៤នាក់រួមមាន:
ទី១-ឈ្មោះ សេង ពេជ្រ ភេទប្រុស អាយុ២៦ឆ្នាំ ជនជាតិខ្មែរ មុខរបរ មិនពិតប្រាកដ។
ទី២-ឈ្មោះ លេ វ៉ាន់វង្ស ភេទប្រុស អាយុ១៩ឆ្នាំ ជនជាតិវៀតណាម មុខរបរ មិនពិតប្រាកដ។
ទី៣-ឈ្មោះ លី តៃផេង ភេទប្រុស អាយុ២០ឆ្នាំ ជនជាតិខ្មែរ មុខរបរ មិនពិតប្រាកដ។
ទី៤-ឈ្មោះ ខន សំណាង ភេទប្រុស អាយុ២៦ឆ្នាំ ជនជាតិខ្មែរ មុខរបរ កម្មករ។
ក្រោយពីឃាត់ខ្លួនជនសង្ស័យខាងលើ សមត្ថកិច្ចបានដកហូតវត្ថុតាងរួមមាន៖
ម៉ូតូ១គ្រឿង,ទូរស័ព្ទដៃ១គ្រឿង,ដាវសាំម៉ូរៃចំនួន២ដើម,ជញ្ជីង១គ្រឿង និងថង់សម្រាប់ច្រកថ្នាំញៀនមួយចំនួនធំទៀត។
សមត្ថកិច្ចបញ្ជាក់ថា ជនសង្ស័យទាំង០៤នាក់ខាងលើនេះ សមត្ថកិច្ចបានធ្វើតេស្តទឹកនោមជាលទ្ធផលវិជ្ជមាន(+)៣នាក់ អវិជ្ជមាន(-)១នាក់។
បច្ចុប្បន្ធជនសង្ស័យ រួមទាំងវត្ថុតាង ត្រូវបានឃាត់ និងរក្សាទុកបណ្ដោះអាសន្ននៅការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្ត និងកសាងសំណុំរឿងបញ្ជូនទៅអយ្យកាអមសាលាដំបូងខេត្ត ដើម្បីចាត់ការទៅតាមនិតិវិធី៕
