ចាប់ឃាត់ខ្លួន ជនបរទេសចំនួន៣នាក់ បន្ទាប់ពីផឹកស្រាស្រវឹងដោះអាវ ធ្វើឲ្យបាត់បង់សណ្ដាប់ធ្នាប់
រាជធានីភ្នំពេញ៖ជនជាតិអូស្ត្រាលីចំនួន០៣នាក់ ដែលផឹកស្រាស្រវឹងដោះអាវធ្វើឲ្យបាត់បង់សណ្ដាប់ធ្នាប់ ត្រូវបានកម្លាំងនគរបាលរដ្ឋបាលប៉ុស្តិ៍ទន្លេបាសាក់ ខណ្ឌចំការមនចាប់ខ្លួន កាលពីល្ងាចថ្ងៃទី១៩ ខែកក្កដា ឆ្នាំ២០១៩ ប្រគល់ឲ្យ
កម្លាំងនគរបាលអន្ដោប្រវេសន៍ នៃស្នងការដ្ឋាននគរបាលរាជធានីភ្នំពេញ ។
សមត្ថកិច្ចបានឲ្យដឹងថា ជនបរទេសទាំ០៣នាក់រួមមាន:
ទី១៖ឈ្មោះ MOCLAIR BLAKE AARON អាយុ២៨ឆ្នាំ កាន់លិខិតឆ្លងដែនលេខPB1244230។
ទី២៖ឈ្មោះ RUDOLF JOSHUA PAUL អាយុ២៩ឆ្នាំ កាន់លិខិតឆ្លងដែនលេខPA3141861 និង។
ទី៣៖ឈ្មោះ DE RITO CHRISTOPHER BASILIO អាយុ២៨ឆ្នាំ កាន់លិខិតឆ្លងដែនលេខPA9721738។ពួកគេស្នាក់នៅផ្ទះសំណាក់ MADE MONKEY ផ្លូវលេខ៣០២ សង្កាត់បឹងកេងកង១ ខណ្ឌចំការមន រាជធានីភ្នំពេញ។
ក្រោយពីចាប់ឃាត់ខ្លួនមកសួរនាំ ជនបរទេសទាំងបីនាក់ខាងលើ ទទួលកំហុសសុំទោស និងធ្វើកិច្ចសន្យានៅចំពោះមុខសមត្ថកិច្ច មិនធ្វើទង្វើដូចនេះទៀតទេ និងគោរពច្បាប់នៃព្រះរាជាណាចក្រកម្ពុជា ដោយសាផឹកស្រាស្រវឹង ពុំបានដឹងថាខុសច្បាប់នៅប្រទេសកម្ពុជា៕