ចាប់ឃាត់ខ្លួន ជនសង្ស័យចំនួន០២នាក់ ពាក់ពន្ឋ័ករណីប៉ុនប៉ងលួច កាច់កម៉ូតូ
រាជធានីភ្នំពេញ៖ជនសង្ស័យចំនួន០២នាក់ ត្រូវបានកម្លាំងប៉ុស្តិ៍រដ្ឋបាលទឹកថ្លា ចាប់ឃាត់ខ្លួន ពាក់ពន្ឋ័ករណីប៉ុនប៉ងលួច កាច់កម៉ូតូ នៅចំណុចតាមផ្លូវបេតុង ភូមិបុរីកម្មករ សង្កាត់ទឹកថ្លា ខណ្ឌសែនសុខ រាជធានីភ្នំពេញ នៅវេលាម៉ោង០៥ ថ្ងៃទី១៩ ខែកក្កដា ឆ្នាំ២០១៩។
សមត្ថកិច្ចបានឲ្យដឹងថា ជនសង្ស័យទាំង០២នាក់មានឈ្មោះ ទូច លីហេង ភេទប្រុស អាយុ២៤ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅក្នុងអង្គការមិត្តសំឡាញ់ សង្កាត់បឹងកេងកង១ ខណ្ឌចំការមន(មានសារធាតុញៀន)។និង
ឈ្មោះ ឆន់ ចាន់ណា ភេទប្រុស អាយុ២៦ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិបន្ទាយស្លឹក សង្កាត់ស្ទឹងមានជ័យ ខណ្ឌមានជ័យ (មានសារធាតុញៀន) ។សម្ភារៈដកហូតបានមាន ដែកកែ្នសម្រាប់កាច់កម៉ូតូ០១។
ប្រភពដដែលបានបន្ដថា មុនពេលកើតហេតុ កម្លាំងល្បាតប៉ុស្កិ៍រដ្ឋបាលទឹកថ្លា បានធ្វើការល្បាតក្នុងភូមិសាស្ត្រ ដល់ចំណុចកើតហេតុខាងលើ ឃើញជនសង្ស័យ០២នាក់ កំពុងជិះម៉ូតូ០១គ្រឿងឌុបគ្នាតាមផ្លូវ ដោយមានការសង្ស័យសមត្ថកិច្ចបានហៅជនសង្ស័យឲ្យឈប់ ធ្វើការត្រួតពិនិត្យលើដងខ្លូន ក៏រកឃើញវត្ថុតាងខាងលើ រួចសមត្ថកិច្ចនាំខ្លួនជនសង្ស័យធ្វើការសាកសួរនៅប៉ុស្តិ៍រដ្ឋបាលទឹកថ្លា ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាល ខណ្ឌសែនសុខ ដើម្បីអនុវត្តតាមនិតិវិធី៕