រដ្ឋបាលខេត្តកែប ទទួលបដិសណ្ឋារកិច្ច ស្វាគមន៍គណៈប្រតិភូ មកពីខេត្តប៉ី ខេត្តក្វាងស៊ី
ខេត្តកែប៖នាព្រឹកថ្ងៃព្រហស្បតិ៍ ២រោច ខែអាសាឍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៨ ខែកក្កដា ឆ្នាំ២០១៩ នេះ លោក កែន សត្ថា អភិបាល នៃគណៈអភិបាលខេត្តកែប រួមជាមួយ អភិបាលរងខេត្ត ថ្នាក់ដឹកនាំមន្ទីរ អង្គភាពជុំវិញខេត្ត បានទទួលបដិសណ្ឋារកិច្ចស្វាគមន៍ គណៈប្រតិភូ ទីក្រុងបុីហៃ ខេត្តក្វាងសុី នៃសាធារណរដ្ឋប្រជាមានិតចិន ដែលដឹកនាំដោយ លោក OU YUJUN អនុប្រធាន THE CPPCC, Beihai City, Guangxi Zhuang Autonomous Region។
ជាគោលការណ៍សំខាន់ក្នុងកិច្ចជំនួបនេះ គឺដើម្បីបពេញទស្សនៈកិច្ចជាផ្លូវការ ដើម្បីស្វែងយល់ពីសក្តានុពលរបស់ខេត្តកែប ជាពិសេសកិច្ចសហប្រតិបត្តិការនិងចំណងមិត្តភាពជាបងប្អូនរវាងខេត្តកែប(កម្ពុជា) និងខេត្តក្វាងសីុ (សាធារណរដ្ឋប្រជាមានិតចិន)។
ជាលទ្ធផលនៃជំនួប រវាងភាគីទាំងពីរ បានព្រមព្រៀង និងសហប្រតិបត្តិការជាមួយគ្នាលើវិស័យ ជលផល និងវិស័យទេសចរណ៍ និងបន្តរឹតចំណងសាមគ្គីភាពរវាង ខេត្តកែប និងទីក្រុងបុីហៃ ឲ្យកាន់តែស្អិតរមួត និងប្រសេីរថែមទៀត៕
