ស្រូវជាង២ម៉ឺនហិចតា នៅស្រុកមង្គលបូរី ប្រឈមការខ្វះខាត់ទឹកយ៉ាងខ្លាំង បើពុំមានភ្លៀងធ្លាក់
ខេត្តបន្ទាយមានជ័យ៖២ស្រុក ក្រុង ស្រូវដើមរដូវប្រភេទស្រូវសែនក្រអូបដែលកំពុងដាក់គ្រាប់ និងជិតទំុប្រមាណជាង២៦.០០០ហិតាកំពុងប្រឈមខ្វះខាត់ទឹកបើគ្មានភ្លៀងរយៈពេលកន្លះខែទៀត បណ្តាលខូចនេះបើតាមសេចក្តីរាយការណ៍របស់លោកអភិបាលក្រុង ស្រុកទាំង២មានស្រុកមង្គលបូរី និងក្រុងសិរីសោភ័ណប្រានប្រាប់អ្នកយកព៍ត័មានឲ្យដឹងនៅព្រឹក ថ្ងៃទី១៧ ខែកក្កដា ឆ្នាំ២០១៩។
លោក ហ៊ឹល រ៉ាយ៉ា អភិបាលក្រុងសិរីសោភ័ណបានប្រាប់បញ្ជាក់ឲ្យដឹងទៀតថា នៅថ្ងៃទី១៧នេះដែរឯកឧត្តម អ៊ុំ រាត្រី អភិបាល នៃគណ:ខេត្តបន្ទាយមានជ័យរួមជាមួយមន្ត្រីជំនាញបានចុះពិនិត្យស្ថានភាពស្រូវ កំពុងប្រឈមខ្វះខាតទឹក ដែលត្រូវកំពុងបានដោះស្រាយជួយអន្តរាគមន៍ ដោយយកម៉ាស៊ីបូមទឹកធុនធំរបស់មន្ទីធន់ធានទឹក និងឧតុនិយមខេត្តបន្ទាយមានជ័យ បូមពីដងស្ទឹងសិរីសោភ័ណ ដើម្បីជួយសង្គ្រោះបន្ទាន់។
នេះជាការណែនាំពីឯកឧត្តមឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងប្រធានក្រុមថ្នាក់ជាតិចុះជួយមូលដ្ឋានខេត្តបន្ទាយមានជ័យ បានជួយប្រេងសម្រាប់មូមទឹកបញ្ជូនស្រូវដែលកំពុងប្រឈម។
ឯកឧត្តមបានបញ្ជាក់ឲ្យដឹងទៀតថា ក្រុងសិរីសោភ័ណដែលកំពុងប្រឈមខ្វះខាតទឹកមានផ្ទៃដីប្រមាណជិត២.០០០ហិចតា ដែលជាស្រូវដើមរដូវប្រភេទស្រូវសែនក្រអូបដែលកំពុងធ្វើខ្លួន និងខ្លះដាក់គ្រាប់ខ្លះទៀតជិតប៉ះពាល់៥សង្កាត់មាន សង្កាត់កំពង់ស្វាយ សង្កាត់អូរអំបិល សង្កាត់ព្រៈពន្លា សង្កាត់ភ្នៀត សង្កាត់កោះពងសត្វ។
ចំណែកលោក រ័ត្ន ដាស៊ីណង់ អភិបាលស្រុកមង្គលបូរីបានរាយកាណ៍នៅថ្ងៃទី១៧នៅស្រុកមង្គលបូរីទាំង១៣ឃុំ ប្រឈមប៉ះពាល់ស្រូវដើមរដូវជាប្រភេទស្រូវសែនក្រអូប ខ្វះទឹកបញ្ជូលស្រែមានផ្ទៃដីប្រមាណ២៤.០៤៤ហិតា លើផ្ទៃដីផែនការជាង៥០.០០០ហិចតា ដែលភាគច្រើនជាប្រភេទស្រូវដើមរដូវ។
ហើយនៅពេលនេះលោកបានរាយការជូនអាជ្ញាធរខេត្ត និងគណកម្មាធិការគ្រប់គ្រងគ្រោះមហន្តរាយឲ្យបានដឹង ព្រោះដងស្ទឹងមង្គលបូរីមានទឹកតិចតួចសម្រាប់ផ្គត់ផ្គង់ប្រជាពលរដ្ឋប្រើប្រាស់ ហើយផ្នែកខាងលើបានបើកទឹកទំលាក់ឲ្យដែរតែមានការខ្វះខាតដូចគ្នា។
លោក រ័ត្ន ដាស៊ីណង់ បានបញ្ជាក់ថា ស្រូវដើមរដូវក្នុងស្រុកមង្គលបូរី មាន១៣ឃុំដែលប្រឈមខ្វះខាតទឹកបូមបញ្ជូលស្រូវប្រមាណជាង២ម៉ឺនហិចតា មន្ត្រីជំនាញបានបញ្ជាក់ច្បាស់ហើយថា បើគ្មានទឹកភ្លៀងធ្លាក់រយៈពេលកន្លះខែទៀតអាចប្រឈមការខូចខាត ដោយងាប់តែម្តងបើមានភ្លៀងធ្លាក់រយៈពេល៧សប្តាហ៍ទៀតអាចសង្ឃឹមទទួលបានផលបានខ្លះ ព្រោះភាគច្រើនស្រូវសែនក្រអូបដែលកំពុងធ្វើខ្លួនដាក់គ្រាប់ និងខ្លះទៀតកំពុងទំជាបណ្តើរមានភាគតិចណាស់៕
