ចាប់ឃាត់ខ្លួន បុរសវ័យចំណាស់ម្នាក់ ពាក់ព័ន្ធករណីចាប់រំលោភ
ខេត្តត្បូងឃ្មុំ៖នាថ្ងៃទី១៧ ខែកក្កដា ឆ្នាំ២០១៩ កម្លាំងសមត្ថកិច្ចស្រុកតំបែរបានបានចាប់ឃាត់ខ្លួន បុរសតណ្ហាក្រាស់ម្នាក់ នៅត្រង់ចំណុចភូមិជាចជើង ឃុំចុងជាច ស្រុកតំបែរ ខេត្តត្បូងឃ្មុំ តាមដីកាតុលាការខេត្តកំពង់ចាម ពីបទរំលោភសេពសន្ថវៈលើស្ត្រីម្នាក់ កាលពីថ្ងៃទី០៩ ខែតុលា ឆ្នាំ២០០៧កន្លងទៅ ត្រង់ចំណុចភូមិជាចជើង ឃុំចុងជាច ស្រុកតំបែរ ខេត្តត្បូងឃ្មុំ ។
បើតាមសមត្ថកិច្ចបានឲ្យដឹងថា ជនជាប់ចោទខាងលើមានឈ្មោះ ស្រី សំណាងភេទប្រុស អាយុ៤៧ឆ្នាំ ជាតិខ្មែរនៅភូមិ-ឃុំ កើតហេតុខាងលើ។
បច្ចុប្បន្ន ជនជាប់ចោទត្រូវបានសមត្ថកិច្ចនាំខ្លួនទៅអធិការដ្ឋាននគរបាលស្រុកតំបែរ ដើម្បីកសាងសំណំរឿង បញ្ជូនទៅតុលាការចាត់ការតាមនិតិវិធី៕