លួចម៉ូតូចំម្ចាស់ភ្ជាប់តាមប្រព័ន្ធ GPS ត្រូវបានសមត្ថកិច្ចចាប់វាយខ្នោះ
ខេត្តកំពង់ស្ពឺ៖សមត្ថកិច្ចខ័ណ្ឌពោធិ៍សែនជ័យចាប់ឃាត់ខ្លួនបុរសម្នាក់ តាមបណ្តឹងរបស់ឈ្មោះ នាង ភ័ក្រ ភេទប្រុស អាយុ២២ឆ្នាំ ស្ថិតនៅភូមិទួលពង្រ សង្កាត់ទួលពង្រ ខ័ណ្ឌពោធិ៍សែនជ័យ រាជធានីភ្នំពេញ។
តាមម្ចាស់ម៉ូតូបានឲ្យដឹងថា នៅ ថ្ងៃទី១៦ ខែកក្កដា ឆ្នាំ២០១៩ វេលាម៉ោង0៤:00ទាបភ្លឺ ត្រូវបានក្រុមចោរកាច់កយកម៉ូតូរបស់គាត់ទៅបាត់ ដោយសុវត្ថិភាពហើយរូបគាត់បានឆែកតាមប្រព័ន្ធ GPS បានឃើញចំណុចម៉ូតូរបស់គាត់ គឺស្ថិតក្នុងភូមិសាស្ត្រឃុំវាលពន់ ស្រុកថ្ពង។
តាមប្រភពដ៏ដែលបានបញ្ចាក់ថា ក្រោយពីរទទួលបានពត៌មាន ភ្លាមកម្លាំងសម្លាំងសមត្ថកិច្ចដឹកនាំដោយលោក ហ៊ុន សុខហុន អធិការដ្ឋាននគរបាលស្រុកថ្ពង បានចុះធ្វើការស្ទាក់ចាប់ជនសង្ស័យបាន១នាក់ រួមនឹងវត្ថុតាងម៉ូតូ១គ្រឿងម៉ាក C125 ពណ៌ខ្មៅ សេរី០១៥ ពាក់ស្លាលេខ ភ្នំពេញ 1J 5476 នៅចំណុចផ្លូវចូលវត្តព្រៃមិច ភូមិព្រៃមិច ឃុំវាលពន់ ស្រុកថ្ពង។
សមត្ថកិច្ចបានបញ្ជាក់ថា ជនសង្ស័យមានឈ្មោះ ឡាយ ភារិទ្ធិ ស្នាក់នៅភូមិទេពភិរម្យ ឃុំវាលពន់ ស្រុកថ្ពង ខេត្តកំពង់ស្ពឺ។
បច្ចុប្បន្នជនសង្ស័យត្រូវបានសមត្ថកិច្ច កសាងសំណុំរឿង បញ្ជូនទៅស្នងការដ្ឋាននគរបាលខេត្តកំពង់ស្ពឺ ដើម្បីចាត់ការតាមនិតិវិធី៕
