រថយន្តដឹកទំនិញមួយគ្រឿង រអិលធ្លាក់ផ្លូវ នៅចំណុចអន្ទង់អាំងធំ ស្រុកបូទុមសាគរ សំណាងល្អមិនមានអ្នកស្លាប់
ខេត្តកោះកុង៖វេលាម៉ោង៨ នឹង១៥នាទីព្រឹកនៅថ្ងៃទី១៥ ខែកក្កដា ឆ្នាំ២០១៩ មានករណីគ្រោះថ្នាក់ចរាចរណ៍មួយបានកើតឡើង ដោយ រថយន្តដឹកទំនិញមួយគ្រឿង រអិលធ្លាក់ផ្លូវ នៅលើផ្លូវជាតិលេខ៤៨ ចន្លោះបង្គោលគីឡូម៉ែត្រលេខ៦១-៦២ នៅចំណុចអន្ទង់អាំងធំ ស្ថិតក្នុងភូមិជីមាល ឃុំអណ្តូងទឹក ស្រុកបូទុមសាគរ សំណាងល្អមិនមានអ្នកគ្រាន់តែគ្រាន់តែខូចខាតរនាំងសុវត្តិភាពនៅដងផ្លូវ។
បើតាមសមត្ថកិច្ច បានឲ្យដឹងថា រថយន្តដឹកទំនិញមួយគ្រឿងនោះ ម៉ាក ហ៊ីយ៉ាន់ដាយ (Hyundai) ពណ៌ស ពាក់ស្លាកលេខ ព្រះសីហនុ ៣A-៤០០០ បើកបរដោយឈ្មោះ ប៉ិច រដ្ឋមុន្នី ភេទប្រុស អាយុ៣៧ឆ្នាំ ជនជាតិខ្មែរ មានទីលំនៅ ក្រុងខេមរភូមិន្ទ ខេត្តកោះកុង បើកបរក្នុងទិសដៅពីខេត្តកំពត មកខេត្តកោះកុង បានរអិលធ្លាក់ផ្លូវ ជាន់ហ្វ្រាំងមិនស៊ី នៅចំណុចកើតហេតុខាងលើ បណ្តាលឲ្យមនុស្សរងរបួសស្រាល នឹងរនាំងសុវត្តិភាពដងផ្លូវខូចខាតចំនួន០៤ផ្ទាំង។
ក្រោយពីកើតហេតុភ្លាមកម្លាំងសមត្ថកិច្ច បានចុះជួយសង្គ្រោះជនរងគ្រោះ និងសំរួលសណ្តាប់ធ្នាប់ នៅកន្លែងកើតហេតុ៕