រដ្ឋបាលខេត្តបាត់ ដំបង ប្រារព្វពិធីអបអរសាទរ ទិវាអន្តរជាតិប្រយុទ្ធប្រឆាំង គ្រឿងញៀន ២៦មិថុនា ២០១៩
ខេត្តបាត់ដំបង:នាព្រឹកថ្ងៃទី១៥ ខែកក្កដាឆ្នាំ២០១៩ រដ្ឋបាលខេត្តបាត់ដំបង បានរៀបចំពិធីដុតបំផ្លាញគ្រឿងញៀន ម៉ាទឹកកក និងយ៉ាម៉ា នៅក្នុងទិវាអន្តរជាតិប្រយុទ្ធប្រឆាំងគ្រឿង
ញៀន២៦មិថុនា ២០១៩ នៅទល់មុខសាលាខេត្ត ក្រោមវត្តមាននាយឧត្តមសេនីយ៍ មាស វិរិទ្ធ អគ្គលេខានៃអាជ្ញាធរជាតិប្រយុទ្ធប្រឆាំងគ្រឿងញៀន លោក ងួនរតន: អភិបាល នៃគណ:អភិបាលខេត្ត លោកនួន សាន ព្រះរាជអាជ្ញានៃអយ្យការសាលាដំបូងខេត្ត លោក ជា វណ្ណ: ប្រធានសាលាដំបូងខេត្ត និងថ្នាក់ដឹកនាំមន្រ្តីរាជការ កងកម្លាំង អភិបាលក្រុងស្រុក សិស្ស និស្សិត ប្រជាពលរដ្ឋជាច្រើននាក់ចូលរួមផងដែរ។
ឧត្តមសេនីយ៍ត្រី កុយ ហៀង ស្នងការរងនគរ
បាលខេត្តបានឡើងអានរបាយការណ៍៦ខែដើមឆ្នាំ២០១៩ ស្តីពីសកម្មភាពការងាររបស់អាវុធហត្ថ និងសមត្ថកិច្ចនគរបាលបានបង្រ្កាបការជួញដូរគ្រឿងញៀនកន្លងមក ជាលទ្ធផលនិងរឹបអូសបាន ថ្នាំញៀនប្រភេទម៉ាទឹកកកទម្ងន់១,១១៣១ក្រាម,ប្រភេទយ៉ាម៉ាចំនួន
៦១,០៩៤ គ្រាប់,ប្រភេទketamine០.២២
ក្រាម ៤,អ៊ិចស្តាស៊ីចំនួន១.០៤ក្រាម៥,កញ្ឆាស្រស់៣៥៦ដើម ៦,កញ្ឆាក្រៀមមាទម្ងន់២.៤០ក្រាមនិងសំភារ:មួយចំនួនទៀត។
ដោយឡែកថ្នាំញៀនដែលត្រូវដុតកម្ទេចចោលជាក់ស្តែង ដោយផ្អែកលើសាលក្រម
ស្ថាពរមានចំនួន៦៦ ក្នុងនោះមាន:ប្រភេទម៉ាទឹកកទម្ងន់៣៨០.១៣ក្រាម និងប្រភេទយ៉ាម៉ា
៥១៩.៥គ្រាប់៕