រាជអាវុធហត្ថលើផ្ទៃប្រទេស ប្រារព្វពិធីរំលឹកខួប២៦ឆ្នាំ នៃការបង្កើតស្ថាប័នរបស់ខ្លួន នៅក្នុងទឹកដីខេត្តត្បូងឃ្មុំ
ខេត្តត្បូងឃ្មុំ៖កាលពីព្រឹកថ្ងៃទី១៤ ខែកក្កដា ឆ្នាំ២០១៩ សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិបានអញ្ជើញជាអធិបតីក្នុងពិធីរំលឹកខួប២៦ឆ្នាំ នៃការបង្កើតស្ថាប័នរបស់ខ្លួននៅក្នុងទឹកដីខេត្តត្បូងឃ្មុំ។
សូមបញ្ជាក់ថា នៅក្នុងពិធីរំលឹកខួប២៦ឆ្នាំ នៃការបង្កើតកងរាជអាវុធហត្ថលើផ្ទៃប្រទេសនេះដែរ កងរាជអាវុធហត្ថខេត្តត្បូងឃ្មុំ ក៏បានសម្ពោធបើកការដ្ឋានសាងសង់អគារថ្មីមួយរបស់ខ្លួន ដើម្បីជាការអបអរដល់ថ្ងៃបង្កើតកងរាជអាវុធហត្ថ១៤ កក្កដា ១៩៩៣ - ១៤កក្កដា ២០១៩ ផងដែរ។
អគារសេនាធិការដ្ឋាន កងរាជអាវុធហត្ថខេត្តត្បូងឃ្មុំ ដែលចាប់ផ្តើមបញ្ចុះបឋមសិលាកសាងនេះ គឺជាសំណង់ជំហានដំបូងនៅលើផ្ទៃដី ៣០.៧០០ម៉ែត្រការ៉េ ទំហំអគារទទឹងប្រវែង១១ម៉ែត្រ បណ្តោយប្រវែង៥៦ម៉ែត្រ កម្ពស់៣ជាន់ប្រើប្រាស់ថវិកាចំនួន ៦២០.០០០ដុល្លារអាមេរិក និងត្រូវប្រើរយៈពេលសាងសង់ប្រមាណ៣៦ខែ។
ថវិកាសម្រាប់ការសាងសង់នេះ មេបញ្ជាការកងរាជអាវុធហត្ថលើផ្ទៃប្រទេស គឺចូលរួមចំនួន១០ម៉ឺនដុល្លារ ដើម្បីចាប់ផ្តើមការដ្ឋាន ក្រៅពីនេះ និងបន្តចលនាសប្បុរសជន៕