អភិបាលខេត្តកំពត ប្រគល់រថយន្តពន្លត់អគ្គីភ័យ រថយន្តបូមទឹក និងរថយន្តសង្គ្រោះបន្ទាន់ ដើម្បីបម្រើប្រយោជន៍សាធារណ:
ខេត្តកំពត:កាលពីព្រឹក ថ្ងៃចន្ទ ១៤កើត ខែអាសាឍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៥ ខែកក្កដា ឆ្នាំ២០១៩ ឯកឧត្តម ជាវ តាយ អភិបាល នៃគណៈអភិបាលខេត្តកំពត បានប្រគល់រថយន្តពន្លត់អគ្គីភ័យ រថយន្តបូមទឹក និងរថយន្តសង្គ្រោះបន្ទាន់ ដែលជាអំណោយរបស់រដ្ឋបាលខេត្ត ក្យុងគី នៃសាធារៈរដ្ឋកូរ៉េ តាមរយៈអង្គការមនុស្សធម៌ ហ្គោ អែន ឌូ (GO & DO) ក្នុងគោលបំណងបម្រើប្រយោជន៍សាធារណៈ របស់ខេត្តកំពត។
ក្នុងឱកាសនោះដែរក៏មានការអញ្ជើញចូលរួមពីលោក លោកស្រី ប្រធាន អនុប្រធានមន្ទីរអង្គភាពជុំវិញខេត្ត នាយក នាយករងរដ្ឋបាលខេត្ត នាយកទីចាត់ការ ប្រធានអង្គភាពចំណុះសាលាខេត្ត អភិបាលក្រុងកំពត សរុប ប្រមាណ៥០នាក់។
សូមបញ្ជាក់:សម្រាប់រថយន្តទាំង០៣គ្រឿងនេះ រដ្ឋបាលខេត្តកំពត បានបែងចែកជូន៖
១.រថយន្តពន្លត់អគ្គីភ័យ០១គ្រឿង ប្រគល់ជូន កងរាជអាវុធហត្ថខេត្តកំពត។
២.រថយន្តបូមទឹក០១គ្រឿង ប្រគល់ជូនរដ្ឋបាលក្រុងកំពត។
៣.រថយន្តសង្គ្រោះបន្ទាន់ ០១គ្រឿង ប្រគល់ជូនស្នងការដ្ឋាននគរបាលខេត្តកំពត៕
