ចាប់ឃាត់ខ្លួនជនសង្ស័យចំនួន៤នាក់ នៅស្រុកសំរោងទង ពាក់ពន្ឋ័ករណីប្រើប្រាស់ និងជួញដូរគ្រឿងញៀន
ខេត្តកំពង់ស្ពឺ៖កម្លាំងអធិការដ្ឋាននគរបាលស្រុកសំរោងទង ដឹកនាំដោយលោកវរសេនីយ៍ឯក ឃុត សុផល អធិការស្រុកសំរោងទង ដោយមានការចង្អុលណែនាំពីលោកឧត្ដមសេនីយ៍ទោ សម សាមួន ស្នងការដ្ឋាននគរបាលខេត្ត និងសម្របសម្រួលនិតិវិធីពីព្រះរាជអាជ្ញារ កម្លាំងសមត្ថកិច្ចបានចុះបង្រ្កាបមុខសញ្ញាសង្ស័យជួញដូរ និងប្រើប្រាស់គ្រឿងញៀនបានចំនួន៤នាក់ កាលពីវេលាម៉ោង១២:០០នាទី ថ្ងៃទី១១ ខែកក្កដា ឆ្នាំ២០១៩ ចំណុចភូមិសំរោង ឃុំត្រពាំងគង ស្រុកសំរោងទង ខេត្តកំពង់ស្ពឺ។
សមត្ថកិច្ចបានឲ្យដឹងថា៖ជនសង្ស័យដែលត្រូវឃាត់ខ្លួននោះរួមមាន៖
១.ឈ្មោះ ប៉ុក សាមុត ភេទប្រុស អាយុ៣១ឆ្នាំ នៅភូមិសំរោង ឃុំត្រពាំងគង ស្រុកសំរោងទង ខេត្តកំពង់ស្ពឺ។
២.ឈ្មោះ ប៉ុក មឿន ភេទប្រុស អាយុ២៩ឆ្នាំ នៅភូមិសំរោង ឃុំត្រពាំងគង ស្រុកសំរោងទង ខេត្តកំពង់ស្ពឺ។
៣.ឈ្មោះ ប៉ុក រ៉ាវី ភេទប្រុស អាយុ១៥ឆ្នាំ នៅភូមិសំរោង ឃុំត្រពាំងគង ស្រុកសំរោងទង ខេត្តកំពង់ស្ពឺ។
៤.ឈ្មោះ សេង វាសនា ភេទប្រុស អាយុ១៩ឆ្នាំ នៅភូមិសំរោង ឃុំត្រពាំងគង ស្រុកសំរោងទង ខេត្តកំពង់ស្ពឺ។
វត្ថុតាងដែលដកហូតបានរួមមាន៖
-គ្រឿងញៀនបានចំនួន១៤កញ្ចប់ ក្នុងនោះមធ្យម១កញ្ចប់
-ឧបករណ៍ប្រើប្រាស់១គ្រឿង
-ទូរស័ព្ទដៃជនសង្ស័យ០២គ្រឿង
-ម៉ូតូ០២គ្រឿង និងលុយខ្មែរចំនួន១៣៥០០០រៀល (ដប់បីម៉ឺនប្រាំពាន់រៀល )។
បច្ចុប្បន្នជនសង្ស័យ រួមនិងវត្ថុតាង ត្រូវបានកម្លាំងជំនាញខេត្ដ កសាងសំណុំរឿង បញ្ជូនទៅសាលាដំបូងខេត្ត ដើម្បីចាត់ការបន្តតាមនីតិវិធីច្បាប់៕