ឯកឧត្តម ហ៊ុន ម៉ាណែត អញ្ជើញជាអធិបតីក្នុងពិធី បញ្ចុះបឋមសិលា សាងសង់សាលាពុទ្ធិកបឋមសិក្សា និងសម្ពោធសមិទ្ធផលនានា ក្នុងវត្តកែវមុនីហៅវត្តថ្មី
ខេត្តកំពង់ចាម៖នាព្រឹកថ្ងៃសៅរ៍ ១២កើត ខែអាសាឍ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី១៣ ខែកក្កដា ឆ្នាំ២០១៩ ឯកឧត្តម ហ៊ុន ម៉ាណែត អគ្គេបញ្ជាការងកងយោធពលខេមរភូមិន្ទ និងជាមេបញ្ជាការបញ្ជាការដ្ឋានកងទ័ពជើងគោក និងជាអនុប្រធានក្រុមការងារថ្នាក់ជាតិ ចុះជួយខេត្តកំពង់ចាម បានអញ្ជើញជាអធិបតីក្នុងពិធីបុណ្យបញ្ចុះបឋមសិលា សាងសង់សាលាពុទ្ធិកបឋមសិក្សា និងសម្ពោធសមិទ្ធផលនានាក្នុងវត្តកែវមុនីហៅវត្តថ្មី ដែលស្ថិតនៅ ឃុំនគរបាន ស្រុកកងមាស ខេត្តកំពង់ចាម។
ក្នុងពិធីពីនោះដែរក៏មានការអញ្ជើញចូលររួមឯកឧត្តម អ៊ុន ចាន់ដា អភិបាលខេត្ត នៃគណៈអភិបាលខេត្តកំពង់ចាម និងថ្នាក់ដឹកនាំរដ្ឋបាលខេត្ត ឯកឧត្តម លោកជំទាវ លោក លោកស្រី មន្ត្រីរាជការ ជាច្រើនស្ថាប័ន ព្រមទាំងលោកយាយ លោកតា ចាស់ព្រឹទ្ធាចារ្យ លោកគ្រូ អ្នកគ្រូ សិស្សានុសិស្សយ៉ាងច្រើនកុះករផងដែរ។
មានប្រសាសន៍ក្នុងពិធីនោះដែរ ឯកឧត្តម អ៊ុន ចាន់ថា អភិបាលខេត្ត នៃគណៈអភិបាលខេត្តកំពង់ចាម បានលើកឡើងថា រដ្ឋបាលខេត្តបច្ចុប្បន្ននៅបាន នឹងកំពុងខិតខំបំរើសេវាសាធារណៈជូនប្រជាពលរដ្ឋ អោយបានល្អប្រសើរ និងមានតម្លាភាព។
ទន្ទឹមនោះដែរឯកឧត្តមបានសំណូមពរដល់បងប្អូនប្រជាពលរដ្ឋ មេត្តាកុំចាញ់ឧបាយកលញ៉ោះញ៉ុង ពីក្រុមអកិត្តិមួយចំនួន ដែលកំពុងបំភ្លៃការពិត ដើម្បីអោយមានអស្ថេរភាព ក្នុងសង្គម។
ជាមួយគ្នានោះដែរ ឯកឧត្តម ហ៊ុន ម៉ាណែត អគ្គបញ្ជាការងកងយោធពលខេមរភូមិន្ទ និងជាមេបញ្ជាការបញ្ជាការដ្ឋានកងទ័ពជើងគោក និងជាអនុប្រធានក្រុមការងារថ្នាក់ជាតិចុះជួយខេត្តកំពង់ចាមបានមានប្រសាសន៍ថា រាជរដ្ឋាភិបាលកម្ពុជាបច្ចុប្បន្ន ក្រោមការដឹកនាំរបស់ សម្តេចអគ្គមហាសេនាបតីតេជោ ហ៊ុន សែន បានដាក់ចេញនូវគោលនយោបាយឈ្នះឈ្នះ បានធ្វើឲ្យប្រទេសជាតិ មានសុខសន្តិភាព សុវត្ថិភាព សេ្ថរភាពគ្រប់ទីកន្លែង មានការអភិវឌ្ឍរីកចំរើនលើគ្រប់វិស័យ ទាំងផ្នែកពុទ្ធចក្រ និងអាណាចក្រ។
ដោយឡែកសមិទ្ធផលថ្មី ដែលជាផ្លូវត្រូវចាប់ផ្ដើមកសាងជូនប្រជាពលរដ្ឋនាពេលនេះ គឺត្រូវបានស្ថាបនា ដើម្បីជាតម្រូវការយ៉ាងចាំបាច់ដែលមិនអាចខ្វះបាន។
បន្ថែមក្នុងនោះដែរ ឯកឧត្តម ក៏បានផ្តាំផ្ញើដល់បងប្អូនប្រជាពលរដ្ឋ ត្រូវរួមគ្នាអនុវត្តគោលនយោបាយភូមិ ឃុំមានសុវត្ថិភាព ដើម្បីអោយក្នុងភូមិ ឃុំ របស់យើង មានស្ថេរភាព សុខសុវត្ថិភាព និងមានការអភិវឌ្ឍផងដែរ៕
