ឃាត់ខ្លួនជនសង្ស័យ០៧នាក់ ពាក់ពន្ឋ័ករណីប្រើប្រាស់ និងចែកចាយគ្រឿងញៀន
ខេត្តកំពត៖កម្លាំងជំនាញខេត្ត សហការជាមួយអធិការស្រុកទឹកឈូ កាលពីថ្ងៃទី១១ ខែកក្កដា ឆ្នាំ២០១៩ បានចុះប្រតិបត្តិការបង្ក្រាបករណីប្រើប្រាស់ និងចែកចាយគ្រឿងញៀន ដោយឃាត់ខ្លួនជនសង្ស័យបានចំនួន០៧នាក់ និងដកហូតបានថ្នាំញៀនចំនួន១៤១កញ្ចប់ (ធំ ០១កញ្ចប់) នៅលើភ្នំបូកគោ ស្ថិតក្នុងស្រុកទឹកឈូ ខេត្តកំពត។
សមត្ថកិច្ចបានឱ្យដឹងថា ជនសង្ស័យទាំង០៧នាក់រួមមាន :
១.ឈ្មោះ ស កើន ភេទប្រុស អាយុ២៩ឆ្នាំ រស់នៅភូមិនារាយណ៍ ឃុំនារាយណ៍ ស្រុកឈូក។
២.ឈ្មោះ ពៅ ពេជ ភេទប្រុស អាយុ២៩ឆ្នាំ រស់នៅភូមិស្ទឹងស្លូត ឃុំនាក់លឿង ស្រុកពាមរ ខេត្តព្រៃវែង។
៣.ឈ្មោះ ចាន់ ប្រាជ្ញា ភេទប្រុស អាយុ១៦ឆ្នាំ រស់ភូមិបាកា ឃុំផ្សាអណ្ដែត ស្រុកអូតាប៉ោង ខេត្តពោធិ៍សាត់។
៤.ឈ្មោះ ហោម ចំរុង ភេទប្រុស អាយុ២៣ឆ្នាំ រស់នៅភូមិកំពង់ហាយ ឃុំកំពង់ហាយ ស្រុកកំពង់លេង ខេត្តកំពង់ឆ្នាំ។
៥.ឈ្មោះ ផល ចាន់ ភេទប្រុស អាយុ២៧ឆ្នាំ រស់នៅភូមិព្រែកព្នៅ ឃុំព្រែកព្នៅ ស្រុកភ្នំបាសិត ខេត្តកណ្ដាល ។
៦.ឈ្មោះ សុក ប៊ុនឈិន ភេទប្រុស អាយុ២៦ឆ្នាំ រស់នៅភូមិថ្វីខាងត្បូង សង្កាត់អណ្ដូងខ្មែរ ក្រុងកំពត។
៧.ឈ្មោះ ទូច សាមេត ភេទប្រុស អាយុ៣០ឆ្នាំ រស់នៅភូមិតាដឹប សង្កាត់អណ្ដូងខ្មែរ ក្រុងកំពត។
បច្ចុប្បន្ន ជនសង្ស័យ និងវត្ថុតាង សមត្ថកិច្ចបានកសាងសំណុំរឿង ដើម្បីអនុវត្តតាមនីតិវិធីច្បាប់ ៕
