អភិបាលស្រុកខ្សាច់កណ្តាល ដឹកនាំជំនាញពាក់ពន្ឋ័ ចុះពិនិត្យបន្ទាន់លើករណី ជ្រូកស្លាប់ ជាបន្តបន្ទាប់
ខេត្តកណ្តាល៖នៅព្រឹកថ្ងៃ សុក្រ ១១កើត ខែ អាសាឍ ឆ្នាំ កុរ សំរិទ្ធិស័ក ពស២៥៦៣ ត្រូវនិងថ្ងៃទី១២ ខែ កក្កដា ឆ្នាំ២០១៩ លោក ប៊ុន ផេង អភិបាល នៃ គណៈអភិបាលស្រុកខ្សាច់កណ្តាល និងសហការី រួមមាន អភិបាលរងស្រុក ប្រធានក្រុមប្រឹក្សាស្រុក មន្រ្តីជំនាញពាក់ពន័្ធជុំវិញស្រុក អាជ្ញាធរភូមិ ឃុំ នៃឃុំកំពុងចំលង បានចុះពិនិត្យបន្ទាន់លើករណីជ្រូកស្លាប់ ជាបន្តបន្ទាប់តាំងពីថ្ងៃ១០ និងថ្ងៃ១១ ខែកក្កដា ឆ្នាំ២០១៩ ដោយមានជំងឺប៉េសជ្រូកអាព្រិច សរុបចំនួន៥៩ក្បាល នៅឃុំកំពុងចំលង ដោយមានការចូលរួមធ្វើតេស្ត ពីជំនាញខាងបសុពេទ្យ ថ្នាក់ខេត្ត និងស្រុក ក្នុងនោះមាន២គ្រួសារ ឈ្មោះ កុក វុទ្ធី ចំនួន៤៩ក្បាល និងគ្រួសារ ពៅ ពេជ្រ ចំនួន១០ក្បាល។
ក្នុងពេលចុះដល់ទីតាំង មន្រ្តីជំនាញ កសិកម្មស្រុក និងខេត្ត បានជួយសំអាត និងបាញ់ថ្នាំសំលាប់មេរោគ DEXID -200 ដើម្បីសំលាប់មេរោគនៅតាំងចិញ្ចឹមជ្រូកលក្ខណៈគ្រួសារនេះ។
លោកអភិបាលស្រុក និងមន្រ្តីជំនាញ បានផ្តាំផ្ញើរដល់អាជ្ញាធរភូមិ ឃុំ និងប្រជាពលរដ្ឋ ហាមដាច់ខាតយកជ្រូកស្លាប់ ទៅធ្វើម្ហូប រឺលក់ចេញទៅទីផ្សារជាដាច់ខាត និងត្រូវកប់អោយមានសុវត្ថិភាពខ្ពស់៕
