បុរសជានាយទាហានជើងទឹកម្នាក់ ត្រូវម៉ូតូបុកស្លាប់ ខណៈដើរឆ្លងផ្លូវ
រាជធានីភ្នំពេញ៖បុរសដែលជានាយទាហានជើងទឹកម្នាក់ បានដើឆ្លងផ្លូវត្រូវបានម៉ូតូធំបើកបរ ដោយបុរសដែលជនជាតិខ្មែរ ដឹកបរទេសពីក្រោយក្នុងទិសដៅ ពីត្បូងទៅជើងយ៉ាងលឿន លុះមកដល់កន្លែងកើតហេតុ ក៏ជ្រុលទៅបុក នឹងបុរសម្នាក់ដែលកំពុងតែដើរឆ្លងផ្លូវពេញទំហឹងបណ្ដាលឱ្យជនរងគ្រោះ ដួលបោកទៅនិងថ្នល់បែកក្បាលហូរឈាម សន្លប់ស្ដូកស្ដឹង។
រីឯម្ចាស់ម៉ូតូដែនជនបង្ករនិងជនបរទេសដែលបានរួមដំណើរជាមួយនោះ ដួលអូសប្រហែល២០ ម៉ែត្របណ្ដាលឲ្យរងរបួសយ៉ាងធ្ងន់ធ្ងរសន្លប់ដូចគ្នា ត្រូវបានរថយន្តសង្គ្រោះរបស់មន្ទីពេទ្យហុងហាក់ ដឹកយកទៅសង្គ្រោះតែអកុសល បុរសដែលដែលឆ្លងផ្លូវនោះ ត្រូវបានស្លាប់ពេលដែលបញ្ជូនមកជិតដល់មន្ទីរពេទ្យ ទើបរថយន្តសង្គ្រោះដឹកយកទៅកន្លែងដើមវិញ ដើម្បីរង់ចាំក្រុមគ្រួសារ និងសមត្ថកិច្ចចុះមកធ្វើកុសល្យវិច្ច័យរួមនិងកំណត់ហេតុ។
ហេតុការណ៍នេះបានកើតឡើងកាលពីវេលាម៉ោង១២និង៣៥នាទីយប់ ថ្ងៃទី១២ ខែកក្កដា ឆ្នាំ ២០១៩ ស្ថិតតាមបណ្ដោយផ្លូវព្រះស៊ីសុវត្ថិ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេបានឃើញបុរសដែលជាជនរងគ្រោះ បានដើរឆ្លងផ្លូវបម្រុង នឹងទៅទិញចំណីហូប មិនទាន់នឹងឆ្លងផុតផង ក៏ត្រូវម៉ូតូបុកពេញទំហឹង ដួលសន្លប់ស្ដូកស្ដឹង ហើយស្លាប់ក្រោយពេលបញ្ជូនទៅសង្គ្រោះ ទើបសមត្ថកិច្ចទាក់ទងទៅក្រុមគ្រួសារសាច់ញាតិ ទើបដឹងថាបុរសដែលជាទាហានជើងទឹក នោះមានឈ្មោះ ហែម នៅ ភេទប្រុស អាយុ៦០ឆ្នាំ មានទីលំនៅភូមិស្ទឹងមានជ័យ ខណ្ឌមានជ័យ។
ក្រោយពេលកើតហេតុសមត្ថកិច្ចជំនាញ ធ្វើកុសលវិវិឆ័យ និងធ្វើកំណត់ហេតុរួចរាល់ហើយក៏បានប្រគល់សាកសព ទៅឲ្យក្រុមគ្រួសារដឹកយកទៅតម្កល់ទុកនៅឯវត្តទឹកថ្លារង់ចាំធ្វើបុណ្យទៅតាមប្រពៃណី៕
