ការរៀបចំវិថីលក់ម្ហូបអាហារ នៅខេត្តកែប ដើម្បីត្រៀមចូលរួមប្រលងប្រណាំង ទីក្រុងស្អាតលើកទី៣ ឆ្នាំ២០២១-២០២៣
ខេត្តកែប៖នាព្រឹកថ្ងៃទី១០ ខែកក្កដា ឆ្នាំ២០១៩ លោកស្រី អ៊ុល ភិរុណ អភិបាលរងខេត្ត បានដឹកនាំកិច្ចប្រជុំក្រុមការងារវាយតម្លៃទីក្រុងស្អាត និងការងារបច្ចេកទេសអភិវឌ្ឍន៍វិស័យទេសចរណ៍ខេត្ត ដើម្បីរៀបចំឱ្យមានវិថីលក់ម្ហូមអារហារនៅខេត្តកែប។
លោកស្រី អ៊ុល ភិរុណ បានបញ្ជាក់ថា ការរៀបចំឱ្យមាន"វិថីលក់ម្ហូបអាហារ"ក៏ នឹងអាចទាក់ទាញភ្ញៀវទេសចរមកសម្រាកលម្ហែកម្សាន្តនៅខេត្តកែបកាន់តែច្រើន និងចំណាយពេលស្នាក់នៅយូរថ្ងៃ។
ការរៀបចំឱ្យមានវិថីលក់ម្ហូបអារហារនេះ ក៏ជាក៏ទទួលបានការឯកភាពពីប្រមុខរដ្ឋាភិបាល គឺជាសូចនាករមួយថ្មីទៀតដើម្បីដាក់បញ្ចូលក្នុងស្តង់ដាទីក្រុងស្អាត និងត្រៀមចូលរួមចលនាប្រឡងប្រណាំងទីក្រុងស្អាតលើកទី៣ ឆ្នាំ២០២១-២០២៣ ។
លោកស្រីក៏បានបញ្ជាក់ទៀតថា ដើម្បីរៀបចំឱ្យមានវិថីលក់ម្ហូបអារហារនេះឱ្យត្រឹមត្រូវតាមស្តង់ដារ ត្រូវតាមប្រព័ន្ធចំណាត់ថ្នាក់ សេវាកម្មតូបលក់ម្ហូបអាហារ(STREE FOOD STANDARD) ដែលពង្រឹង លើកកម្ពស់គុណភាពសេវាកម្មក្នុងផ្នែកម្ហូបអារហារ យើងត្រូវរៀបចំឱ្យមានស្តង់ដារដូចជា៖
-ទីតាំង ត្រូវមានការអនុញ្ញាតជាផ្លូវការ និងត្រូវកំណត់ពេលវេលាប្រតិបត្តិការដោយរដ្ឋបាលខេត្ត
-មានស្លាកយីហោច្បាស់លាស់ដោយគោរពតាមសេចក្តីណែនាំរបស់ក្រសួងទេសចរណ៍ ត្រូវសរសេរជាខេមរភាសារ និងត្រូវតុបតែងដោយភ្លើងលម្អឱ្យមានសោភ័ណភាព ជាពិសេសត្រូវមានអនាម័យជុំវិញតូបលក់អាហារទាំងនេះ
-ត្រូវរៀបចំឱ្យមានទីធ្លាធំទូលាយងាយស្រួលក្នុងការចតយានយន្ត
-ត្រូវមានសេវាកម្មល្អផងដែរ។
ជាចុងបញ្ចប់ លោកស្រីអភិបាលរង និងក្រុមការងារបានចុះត្រួតពិនិត្យកន្លែងសំខាន់ៗ មួយចំនួនដើម្បី រៀបចំស្នើសុំបង្កើតជាកន្លែង វិវថីលក់ម្ហូបឱ្យត្រឹមត្រូវទៅតាមស្តង់ដារ៕
