ចាប់វាយខ្នោះចោរវ័យក្មេង រហ័សដៃ២នាក់ បន្ទាប់ពីធ្វើសកម្មភាព ឆក់ទូរស័ព្ទជនជាតិចិនម្នាក់ នៅចំណុចកាស៊ីណូផ្កាយប្រាំ ក្រុងប៉ោយប៉ែត
ខេត្តបន្ទាយមានជ័យ៖កម្លាំងសមត្ថកិច្ចអន្តោប្រវេសន៍ច្រកទ្វាអន្តរជាតិប៉ោយប៉ែត រួមនិងសន្តិសុខរបស់កាស៊ីណូ បាននាំគ្នាដេញចាប់ចោវ័យក្មេងចំនួន០២នាក់ បន្ទាប់ពីធ្វើសកម្មភាពឆក់ទូរស័ព្ទជនជាតិចិនម្នាក់ នៅចំណុចកាស៊ីណូផ្កាយប្រាំ ក្រុងប៉ោយប៉ែត ខេត្តបន្ទាយមានជ័យ នាវេលាម៉ោង០១និង២០នាទីរំលងអធ្រាត្រឈានចូលថ្ងៃទី១០ ខែមិថុនា ឆ្នាំ២០១៩។
បើតាមសមត្ថកិច្ចបានឲ្យដឹងថា៖មុនពេលកើតហេតុមានក្មេងស្ទាវចំនួន០២នាក់ បានធ្វើសកម្មភាពឆក់ទូរស័ព្ទដៃពីជនជាតិចិនម្នាក់ នៅចំណុចផ្កាយប្រាំ ក្រុងប៉ោយប៉ែត ខេត្តបន្ទាយមានជ័យ ភ្លាមនោះកម្លាំងអន្តោប្រវេសន៍ច្រកទ្វាអន្តរជាតិប៉ោយប៉ែត និងសន្តិសុខរបស់កាស៊ីណូ បាននាំគ្នាដេញស្ទាក់ចាប់ពីរចំណុចកើតហេតុពោលពីលិចទៅកើត លុះដល់ចំណុចភូមិផ្សារកណ្ដាល សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ក្បែរការ៉ាសសាំងផ្សារកណ្ដាល ចោអស់ល័ក្ខទាំង០២នាក់នេះបានជិះម៉ូតូចូលទៅផ្លូវរោងចក្រក៏ចាប់វាយខ្នោះបានទាំង០២តែម្តង។
សមត្ថកិច្ចបានឲ្យដឹងថា៖ចោទាំង០២នាក់ទី១/ឈ្មោះ សេង ណាន់ ភេទប្រុស អាយុ១៧ឆ្នាំរស់នៅក្រុងសេរីសោភ័ណ្ឌ មុខរបរមិនពិតប្រាកដ និងទី២/ឈ្មោះ សួង សុវណ្ណនិសាល ភេទប្រុស អាយុ១៧ឆ្នាំ រស់នៅខ្លាកូនចាស់ ក្រុងសិរីសោភ័ណ្ឌ មុខរបរមិនពិតប្រាក ។
វត្ថុតាងដែលដកហូតបានរួមមាន៖ម៉ូតូមួយគ្រឿងម៉ាក់ xsLពណ៌ស្លាទុំលាយខ្មៅ គ្មានស្លាកលេខមួយគ្រឿង និងទូរស័ព្ទដៃ១គ្រឿងដែលឆក់បានពីជនរងគ្រោះ។
បច្ចុបន្នជនសង្ស័យខាងលើសមត្ថកិច្ចអន្តោប្រវេសន៍ កំពុងធ្វើការសាកសួ និងកសាងសំណុំរឿង ដើម្បីចាត់ការតាមនិតិវិធី។ដោយឡែកទូរសព្ទ័ត្រូវបានប្រគល់ជូនម្ចាស់ដើមវិញ៕