ឯកឧត្តម ទៀ សីហា បើកកិច្ចប្រជុំគណៈបញ្ជការឯកភាព រដ្ឋបាលខេត្ត ស្ដីពីផែនការការពារ សន្តិសុខ សណ្ដាប់ធ្នាប់ ក្នុងឱកាសសន្និសីទកំពូលសារព័ត៌មានអាស៊ី២០១៩
ខេត្តសៀមរាប៖ថ្ងៃអង្គារ ៥កើត ខែជេស្ឋ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០៧ ខែមិថុនា ឆ្នាំ២០១៩ ឯកឧត្តម ទៀ សីហា អភិបាល នៃគណៈអភិបាលខេត្ត និងជាប្រធានគណៈបញ្ជាការឯកភាពរឯកភាពរដ្ឋបាលខេត្តសៀមរាប បានបើកកិច្ចប្រជុំគណៈបញ្ជាការឯកភាពរដ្ឋបាលខេត្ត ស្ដីពីផែនការការពារ សន្តិសុខ សណ្ដាប់ធ្នាប់ ក្នុងឱកាសសន្និសីទកំពូលសារព័ត៌មានអាស៊ី២០១៩ នៅបន្ទប់ប្រជុំលេខ១ សាលាខេត្តសៀមរាប ដែលនឹងប្រព្រឹត្តទៅចាប់ពីថ្ងៃទី៩-១៥ ខែមិថុនា ឆ្នាំ២០១៩ នៅសណ្ឋាគារសុខាសៀមរាប។
សូមជំរាបដែរថា៖កិច្ចប្រជុំខាងលើនេះមានការអញ្ជើញចូលរួមពី លោកប្រធានមន្ទីរ លោក លោកស្រី អភិបាលក្រុង-ស្រុក និងកងកម្លាំងប្រដាប់អាវុធ ទាំងបី សរុបប្រមាន៥៤នាក់។
ក្នុងកិច្ចប្រជុំនោះ ឯកឧត្ដមអភិបាលខេត្ត បានលើកឡើងនូវបញ្ហាសន្តិសុខ សណ្ដាប់ធ្នាប់ នៅទីប្រជុំជនតំបន់ទេសចរណ៍ ជាពិសេសនៅតំបន់ផាប់ស្រ្ទីត អំពីបញ្ហាចំណតរថយន្ត និងរ៉ឺម៉កម៉ូតូ និងអ្នកលក់ដូរនៅតាមដងផ្លូវ។
ជាចុងបញ្ចប់ ឯកឧត្តមបានណែនាំជម្រុញឲ្យគ្រប់ក្រុង-ស្រុក ធ្វើការទប់ស្កាត់បញ្ហាវិវាទ ទំនាស់ដីធ្លី នៅមូលដ្ឋានរបស់ខ្លួនផងដែរ៕