អភិបាលស្រុកអូរជ្រៅ និងអភិបាលស្រុងគោកធ្យូ(ថៃ) បើកកិច្ចប្រជុំស្ដីពីទំនាក់ទំនង ប្រជាពលរដ្ឋជាប់ព្រំដែន កម្ពុជា-ថៃ
ខេត្តបន្ទាយមានជ័យ៖ថ្ងៃសុក្រ ០៥កើត ខែជេស្ឋ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០៧ ខែមិថុនា ឆ្នាំ២០១៩ លោក លី សុវណ្ណារិទ្ធ អភិបាល នៃគណៈអភិបាលស្រុកអូរជ្រៅ លោកអភិបាលរងស្រុក បានដឹកនាំក្រុមការងារ អញ្ជើញចូលរួមប្រជុំនៅសាលាស្រុកគោកធ្យូង ប្រទេសថៃ ស្ដីពីទំនាក់ទំនងប្រជាពលរដ្ឋជាប់ព្រំដែនកម្ពុជា-ថៃ(ប្រជាពលរដ្ឋស្រុកអូរជ្រៅ និងស្រុកគោកធ្យូង)។
សូមជំរាបដែរថា៖នៅក្នុងកិច្ចប្រជុំនេះមានការអញ្ជើញចូលរួមពីក្រុមប្រឹក្សាស្រុករួមមាន៖លោកមេឃុំគ្រប់ឃុំ និងក្រុមការងារ លោកវរសេនីយ៍ត្រី អ៊ឹម សារ៉ាត់ អធិការរង តំណាងដ៏ខ្ពង់ខ្ពស់លោកវរសេនីយ៍ទោ សែស វិបុល អធិការនគរបាលស្រុក និងក្រុមការងារ មេបញ្ជាការកងរាជអាវុធហត្ថស្រុក មេបញ្ជាការសឹករងស្រុក វរការពារព្រំដែន មេបញ្ជាការរងការពារព្រំដែន គ្រប់ការិយាល័យថ្នាក់ស្រុកផងដែរ។
សូមបញ្ជាក់ដែរថា៖កិច្ចប្រជុំនេះក្រោមអធិបតីភាព លោក ប្រាភិត បានបាន់យ៉ា អភិបាល នៃគណៈអភិបាលស្រុកគោកធ្យូង លោក លី សុវណ្ណារិទ្ធ អភិបាលស្រុកអូរជ្រៅ ដោយមានសមាជិកសមាជិកាចូលរួមសរុប១៤៦នាក់ ស្រី២៧នាក់។
បន្ទាប់ចប់កិច្ចប្រជុំ មានពិធីប្រកួតកីឡាបាល់ទាត់មិត្តភាព និងពិសារបាយសាមគ្គីជាកិច្ចបញ្ចប់៕