សមត្ថកិច្ចក្រុងប៉ោយប៉ែត ចុះធ្វើកោសល្យវិច័យ ជនបរទេសដែលស្លាប់ដោយសារខ្យល់គរ នៅមន្ទីពេទ្យបង្អែក
ខេត្តបន្ទាយមានជ័យ:ថ្ងៃសុក្រ ៥កើត ខែជេស្ឋ ឆ្នាំកុរ ឯកស័ក ព.ស២៥៦៣ ត្រូវនិងថ្ងៃទី០៧ ខែមិថុនា ឆ្នាំ២០១៩ វេលាម៉ោង០៨និង០០នាទីព្រឹក កម្លាំងផ្នែកគ្រប់គ្រងជនបរទេស ផ្នែកបច្ចេកទេសកោសល្យវិច័យ និងវិភាគកន្លែងកើតហេតុ ប៉ុស្តិ៍នគរបាលរដ្ឋបាលសង្កាត់ប៉ោយប៉ែត នៃអធិការដ្ឋាននគរបាលក្រុងប៉ោយប៉ែត បានចុះទៅពិនិត្យសាកសពជនបរទេស ដែលបានស្លាប់នៅមន្ទីពេទ្យបង្អែកប៉ោយប៉ែត កាលពីវេលាម៉ោង២២និង៣០នាទីយប់ ថ្ងៃព្រហស្បត្តិ៍៤កើត ខែជេស្ឋ ឆ្នាំកុរ ឯកស័ក ព.ស២៥៦៣ ត្រូវនិងថ្ងៃទី០៦ ខែមិថុនា ឆ្នាំ២០១៩ ដោយសារខ្យល់គរ។
សាកសព ជនបរទេសដែលស្លាប់បាត់បង់ជីវិតដោយសារខ្យល់គរនោះមានឈ្មោះ ឆៃយា ទ្រីផានីត(CHAIYA TRIPANICH)ភេទប្រុស អាយុ៣៩ឆ្នាំ ជនជាតិថៃ កាន់លិខិតឆ្លងដែនលេខAA5335846 ចេញដោយរដ្ឋបាលថៃ មានស្រុកកំណើតនៅខេត្តត្រាត ប្រទេសថៃមុខរបរអនឡាញ តួនាទីមេក្រុម នៅក្នុងកាស៊ីណូហ្គេ្រនដាយមិន ស្នាក់នៅអគារF3 ជាន់ទី៥ បន្ទប់លេខ៤០៤ របស់ក្រុមហ៊ុនកាស៊ីណូផ្កាយប្រាំ(STAR VEGAS )ស្ថិតក្នុងភូមិសាមគ្គីមានជ័យ សង្កាត់/ក្រុងប៉ោយប៉ែត ខេត្តបន្ទាយមានជ័យ ។
បច្ចុប្បន្នសាកសពត្រូវបានតំកល់ទុក នៅសាលដំកល់ នៅក្នុងមន្ទីពេទ្យបង្អែកប៉ោយប៉ែត រងចាំសាច់ញាតិមកទទួលដើម្បីយកទៅធ្វើបុណ្យតាមប្រពៃណី៕