សាខាកាំកុងត្រូលខេត្តកំពង់ឆ្នាំង ចុះពិនិត្យទំនិញ នៅផ្សារលើ និងផ្ទះលក់ដូរ នៅជុំវិញផ្សារ ក្រុងកំពង់ឆ្នាំង
ខេត្តកំពង់ឆ្នាំង៖នៅព្រឹកថ្ងៃទី៧ ខែមិថុនា ឆ្នាំ២០១៩នេះ សាខាកាំកុងត្រូលខេត្តកំពង់ឆ្នាំង បានសហការជាមួយមន្ទីរពាណិជ្ជកម្មខេត្ត និងអាជ្ញាធរដែនដី ចុះពិនិត្យទំនិញ នៅផ្សារលើ និងផ្ទះលក់ដូរនៅជុំវិញផ្សារ ស្ថិតនៅក្នុងសង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង។
លោក យីវ ណារិន ប្រធានសាខាកាំកុងត្រូលខេត្តកំពង់ឆ្នាំង បានឲ្យដឹងថា នៅក្នុងឱកាសចុះពិនិត្យផ្សារខាងលើ ក្រុមការងារបានធ្វើតេស្តបឋមទៅលើសរសៃនំបញ្ចុក,គ្រឿងបុករួចសំរាប់នំបញ្ចុក,សណ្តែកកួ,សណ្តែកបណ្តុះ និងផ្កាស្នោជាលទ្ធផលបឋមឃើញសារធាតុគីមីនៅក្នុងនំបញ្ចុក និងបន្លែឡើយ និងបានពិនិត្យ ទំនិញវេចខ្ចប់ស្រាប់,គ្រឿងកំប៉ុង។
ក្រោយពីពិនិត្យមន្រ្តីជំនាញ ក៏បានធ្វើការណែនាំដល់អាជីវករ ប្រជាពលរដ្ឋពីសុវត្ថិភាពម្ហូបអាហារ ការរៀបចំទំនិញតាំងលក់ និងមានអនាម័យល្អ៕
