ទំនាស់ដីធ្លីរវាងពលរដ្ឋ និងពលរដ្ឋ ត្រូវបានបញ្ចប់ ដោយការសម្របសម្រួលពី លោកអភិបាលស្រុកភ្នំស្រុក
ខេត្តបន្ទាយមានជ័យ៖ប្រជាពលរដ្ឋ៣០គ្រួសារនៅស្រែខាងលិច ស្នើសុំឲ្យអាជ្ញាធរស្រុករកដំណោះស្រាយជូនពួកគាត់ រឿងកាយប្រឡាយទឹកចាស់ ខណៈដែលពលរដ្ឋមួយគ្រួសារនៅស្រែខាងកើតមិនសុខចិត្ត ដោយសារដីគាត់ទិញមកមិនមានប្រឡាយទឹក។
ករណីនេះកើតឡើងនាព្រឹកថ្ងៃព្រហស្បតិ៍ ៤កើត ខែជេស្ន ឆ្នាំ កុរ ឯកស័ក ព-ស ២៥៦៣ត្រូវនិង ថ្ងៃទី០៦ ខែមិថុនា ឆ្នាំ២០១៩ ស្ថិតនៅភូមិត្រពាំងថ្មកណ្ដាល ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ។
បើតាមលោក វ៉ាញ ចាន់ស៊ី នឹង ប្រពន្ធ ឈ្មោះតន់ ចាន់ធិក រស់នៅភូមិត្រពាំងថ្ម កណ្តាល ឃុំប៉ោយចារ បានឲ្យដឹងថា គាត់ជាជនរងគ្រោះកើតទុកមិនសុខចិត្តដោយបង ប្អូនទាំង៣០គ្រួសារមកទាមទាឲ្យកាយប្រឡាយតាំងពីសម័យពលពត តែគាត់ទិញនេះមិនមានប្រឡាយនោះទេ ហើយការទិញដីនេះអាជ្ញាធរបានដឹងលឺចុះហត្ថលេខាឲ្យទៀតផង មិនត្រឹមតែប៉ុណ្ណោះទេ អ្នកនៅជាប់ព្រុំដីក៏ផ្តិតមេដៃដឹងលឺទៀតផង ហើយពេលនោះមិនទាមទាថាដីនេះមានប្រឡាយ ហេតុអ្វីបានជាពេលនេះបានជាទាមទាប្រឡាយទៅវិញ។
ពាក់ពន្ឋ័ករណីខាងលើនេះក្រោយពីមានទទួលបាននូវការសូមណូមពរពីពលរដ្ឋពាក់ពន្ឋ័រឿងដីធ្លីមក ឃើញថា លោក យឹម សំណាង អភិបាល នៃគណៈអភិបាលស្រុក ភ្នំស្រុក បានដឹកនាំកម្លាំងសមត្ថកិច្ចពាក់ពន្ឋ័ចម្រុះរួមមាន៖
១.លោក សំរឹទ្ធ អប់ អភិបាលរង នៃគណៈអភិបាលស្រុកភ្នំស្រុក។
២.លោក សិល សុឡី អនុប្រធានការរិយាល័យ លំនៅដ្ឋាន ខេត្តបន្ទាយមានជ័យ។
៣.លោក ឃុត ឃួន មេឃុំប៉ោយចារ។
៤.កងកម្លាំងទាំងបី។
៥.លោកក្រុមប្រឹក្សាឃុំ ប៉ោយចារ។
បានចុះធ្វើការសម្របសម្រួលចំណាយពេលមួយព្រឹកធំ ជាលទ្ធផលឃើញថា ភាគីទាំងសងខាងបាន យល់ព្រមតាមការសម្របសម្រួលរបស់លោកអភិបាលស្រុក ដោយកាយប្រឡាយដែលមានទទឹងក្បាលដី០៣ម៉ែត្រ នឹងបណ្តោយដី១៥០ម៉ែត្រ ដើម្បីឲ្យមានទឹកប្រើប្រាសទាំងអស់គ្នា។
បើតាមលោកអភិបាលស្រុកបានបញ្ជាក់ថា៖ដោយសារមានពាក្យបណ្តឹងរបស់ពលរដ្ឋសុំបើកប្រឡាយចាស់កាលពីមុនដែលមានទទឹង១០ម៉ែត្រ តែឥឡូវលោកជួយសម្រួលយកតែ០៣ម៉ែត្រតែប៉ុណ្ណោះ ដើម្បីបញ្ចប់បញ្ហាឲ្យមានទឹកប្រើប្រាសសម្រាប់ធ្វើស្រែ៕
