បញ្ជូនខ្លួនឃាតក ដែលសម្លាប់ក្មេងប្រុស ស្រីពីរនាក់បងប្អូនបង្កើត នៅស្រុកព្រៃនប់ ទៅសាលាដំ បូង ខេត្ត ដើម្បីផ្ដន្ទាទោ សតាមផ្លូវច្បាប់
ខេត្តព្រះសីហនុ៖កម្លាំងនគរបាលខេត្តព្រះសីហនុបានបញ្ជូនខ្លួនឃាតក ដែលសម្លាប់ក្មេង- ប្រុសស្រីពីរនាក់បងប្អូនបង្កើត នៅស្រុកព្រៃនប់ ខេត្តព្រះសីហនុទៅសាលាដំបូងខេត្ត នារសៀលថ្ងៃទី០៤ ខែមិថុនា ឆ្នាំ២០១៩នេះ ដើម្បីផ្ដន្ទាទោសតាមផ្លូវច្បាប់។
បើតាមលោកឧត្តមសេនីយ៍ទោ ជួន ណារិន្ទ ស្នងការដ្ឋាននគរបាលខេត្តព្រះសីហនុ បានប្រាប់អ្នកសារព័ត៌មានថា៖បន្ទាប់ពីបញ្ចប់នៃការសួរនាំ និងកសាងសំណុំរឿងរួចរាល់ហើយនោះ កម្លាំងសមត្ថកិច្ចជំនាញបានធ្វើការបញ្ជូនជនដៃដល់ឈ្មោះ ម៉ាង វិចិត្រ ដែលបានធ្វើសកម្មភាពសម្លាប់ ក្មេងពីរនាក់បងប្អូន នៅស្រុកព្រៃនប់ ខេត្តព្រះសីហនុទៅតុលាការ ដើម្បីបន្ដនីតិវិធី។
គួរបញ្ជាក់ដែរថា៖ឃាតក ដែលសម្លាប់ក្មេង- ប្រុសស្រីពីរនាក់បងប្អូនបង្កើត នៅស្រុកព្រៃនប់ ត្រូវបានកម្លាំងនគរបាលនាយកដ្ឋាននគរបាលព្រហ្មទណ្ឌ ដឹកនាំដោយលោកវរសេនីយ៍ឯក ជាវ វិបុល អនុប្រធាននាយកដ្ឋាន ដោយមានកិច្ចសហការពីនគរបាលខេត្តព្រះសីហនុ នគរបាលរាជធានីភ្នំពេញ នគរបាលខេត្តស្វាយរៀង និងនគរបាលខេត្តព្រៃវែង ធ្វើការស្រាវជ្រាវរហូតឈានដល់ការចាប់ឃាត់ខ្លួន បន្ទាប់ពីឃាត់ករ រូបនេះបានធ្វើសកម្មភាពសម្លាប់កុមារារងគ្រោះមានឈ្មោះ ផា សុខលី អាយុ២ឆ្នាំ និងកុមារីជាបងមានឈ្មោះ ផា ស្រីល័ក្ខ អាយុជិត១០ឆ្នាំ ពីនាក់បងប្អូនបង្កើតកាលពីថ្ងៃទី២៩ ខែឧសភា ឆ្នាំ២០១៩ កន្លងទៅ។
សមត្ថកិច្ចបានបញ្ជាក់ថា៖មុនពេលកើតហេតុជនដៃដល់រូបនេះបានអង្គុយផឹកស្រាស នៅផ្ទះបានកន្លះលីត្រ ក៏ប្រើឲ្យប្រពន្ធរបស់ខ្លួនជាស្ដ្រីមេម៉ាយកូន៥នាក់ ទៅទិញពងទាកូនសម្រាប់ក្លែម ដោយសារតែប្រពន្ធទៅយូរពេកខ្លួនបានបន្ដផឹកស្រារហូតអស់មួយលីត្រកន្លះ រួចក៏ដើរទៅតាមប្រពន្ធ ខណៈពេលឃើញក្មេងស្រីរងគ្រោះនៅក្នុងផ្ទះក៏ចូលទៅចាប់ទាំងកម្រោល និងប្រើហិង្សារហូតនាងស្លាប់ ពេលនេះកុមារាជាប្អូនបានឃើញដូច្នេះក៏ស្រែចយំ ស្រាប់តែរូបគេបានទះកំផ្លៀង៥ទៅ៦ដៃ ហើយទាត់ផ្ទប់ជញ្ជាំងបណ្តាលឲ្យស្លាប់តែម្តង។
សមត្ថកិច្ចបញ្ជាក់ទៀតថា៖ជនដៃដល់ដែលសម្លាប់ក្មេងតូចទាំងពីរនាក់ គឺជាមុខសញ្ញាដ៏គ្រោះថ្នាក់មួយនិងបានប្រព្រឹត្តបទល្មើសជាបន្ដបន្ទាប់ពីអតីតកាល រហូតសមត្ថកិច្ចចាប់ខ្លួន និងជាប់ពន្ធនាគារទៀតផង៕
