ឯកឧត្តម អ៊ុំ រាត្រី អញ្ជើញចូលរួម ទិវាសុវត្តិភាពចរាចរណ៍ផ្លូវគោកលើកទី១២ ស្តីពីការរឹតបន្តឹង អនុវត្ត ច្បាប់ពីចរាចរណ៍ផ្លូវគោក
ខេត្តបន្ទាយមានជ័យ៖បញ្ហាប្រឈមខ្លាំងនៅចំពោះមុខដ៏យូរអង្វែងដែលអាចកើតឡើងភ្លាមៗបើយើងប្រហែស រឺខ្ជីខ្ជា កាលដែលឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ មានប្រសាសន៍បែបនេះក្នុងពិធីទិវាសុវត្តិភាពចរាចរណ៍ផ្លូវគោកលើកទី១២ ស្តីពីការរឹតបន្តឹងអនុវត្តច្បាប់ពីចរាចរណ៍ផ្លូវគោក។
ឯកឧត្តមបានមានប្រសាសន៍បន្តថា៖មុននិងចេញដំណើរត្រូវពាក់មួកសុវត្តិភាពជានិច្ច មិនត្រូវបើកល្បឿនហួសកំណត់ មិនត្រូវបើកក្រោមឥទ្ធិពលគ្រឿងស្រវឹង ត្រូវគោរពស្លាកសញ្ញាចរាចរណ ប្រកាន់ស្តាំជានិច្ច ត្រូវពាក់ខ្សែក្រវ៉ាត់ពេលបើករថយន្ត មិនត្រូវបើកបត់យ៉ាងប្រថុយប្រថាន ពេលបើកមិនត្រូវប្រើទូរស័ព្ទ មុននិងបើកត្រូវពិនិត្យរថយន្តឲ្យបានត្រឹមត្រូវ មិនត្រូវផ្ទុកទំនិញក្នុងរថយន្តលើសចំណុះ សំពីងសំពោង ពេលបើកត្រូវចេះយោគយល់គ្នា។
សូមជំរាបដែរថា៖ពិធីនេះបានធ្វើឡើងនាព្រឹកថ្ងៃទី០៣ ខែមិថុនា ឆ្នាំ២០១៩ ស្ថិតនៅភូមិ៣ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ដោយមានការអញ្ជើញចូលរួមពីអភិបាលរងខេត្ត លោក គឹម សុវណ្ណ ,ប្រធានមន្ទីរសាធារណះការខេត្តបន្ទាយមានជ័យ,មន្ត្រីនគរបាលចរាចរណ៍ ប្រធានមន្ទីរ អង្គភាព ប្រជាពលរដ្ឋ និងសិស្សានុសិស្សជាច្រើននាក់ផងដែរ។
លោកវរសេនីយ៍ គី មករា នាយរងការិយាល័យនគរបាលចរាចណ៌ ជើងគោកបានមានប្រសាសន៍ថា៖គ្រោះថ្នាក់ចរាចរណ៍នៅដើមឆ្នាំ២០១៩នេះមានការកើនឡើងគួរឲ្យកត់សំគាល់មានមនុស្សស្លាប់ចំនួន១០នាក់ របួសធ្ងន់២០នាក់ របួសស្រាល២៣នាក់ មូលហេតុបណ្តាលមកពីកក្តាមនុស្ស បើកល្បឿនលើន បើកក្នុងស្ថានភាពស្រវឹងបើកប្រជែងក្នុងសភាពគ្រោះថ្នាក់ បើកមិនគោរពច្បាប់ជាដើម។
ក្នុងនោះឯកឧត្តម អ៊ុំ រាត្រី បានមានប្រសាសន៍បញ្ជាក់ថា៖ច្បាប់ចរាចរណ៍ផ្លូវគោកកន្លងមកមន្ត្រីនគរបាលចរាចរណ៍ចុះធ្វើការផ្សព្វផ្សាយច្បាប់ចរាចរណ៍ ជូនដល់សិស្សនៅតាមសាលារៀន ប្រជាពលរដ្ឋនៅតាមមូលដ្ឋានឃើញថា មានការកាត់បន្ថោយគ្រោះថ្នាក់ចរាចរណ៍ជាច្រើន ក្នុងនោះមន្ទីរសាធារណះខេត្តបន្ទាយមានជ័យ ក៏បានចែកមួកសុមួកសុវត្តិភាពជូនដល់អ្នកធ្វើដំណើរតាមផ្លូវដែលឆ្លើយសំនួរត្រូវអំពីច្បាប់ចរាចរណ៍យ៉ាងច្រើនរយនាក់ផងដែរ។ឯកឧត្តមបានបញ្ជាក់ឲ្យដឹងទៀតថា ឯកមិនចង់ឃើញបងប្អូនប្រជាពលរដ្ឋពលរដ្ឋណាមានគ្រោះថ្នាក់ដោយសារចរាចរណ៍នោះឡើយមុននិងធ្វើដំណើរទៅណាមកណា ត្រូវពាក់មួកសុវត្តិភាពទាំងអស់គ្នាឲ្យត្រឹមត្រូវ មិនត្រូវបើកទាំងមានភាពស្រវឹង ជៀសវាងជិះម៉ូតូវ៉ាស្តាំ ចំពោះបងប្អូនដែលជិះរថយន្តត្រូវដាក់ខ្សែក្រវ៉ាត់ឲ្យបានត្រឹមត្រូវមុនចេញដំណើទោះជិតឬឆ្ងាយក្តីដើម្បីសុវត្តិភាពបងប្អូន។
ក្នុងឱកាសនោះលោក គឹម សុវណ្ណ បានធ្វើការអំពាវនវដល់ប្រជាពលរដ្ឋទាំងអស់សូមឲ្យចូលរួមគោរពច្បាប់ចរាចរណ៍ទាំងអស់គ្នា ដូចជាត្រូវចេះបើកបរឲ្យបានត្រឹមត្រូវជាដាច់ខាត ត្រូវត្រួតពិនិត្យលក្ខណៈបច្ចេកទេសយានយន្តជានិច្ច ត្រូវប្រុងប្រយ័ត្នជានិច្ចត្រូវរក្សាទុកផ្លូវថ្មើរជើង ។
ក្នុងនោះលោក គឹម សុវណ្ណ និងមន្ត្រីពាក់ព័ន្ធទាំងអស់បានចូលឧទ្ទិសកុសល ជូនដល់អ្នកដែលស្លាប់ដោយសារ គ្រោះចរាចរណ៍ផ្លូវគោកទាំងអស់ឲ្យទៅកាន់សុភិតិភពកំបីឃ្លាងឃ្លាតឡើយផងដែរ៕