ចាប់ខ្លួនជនសង្ស័យម្នាក់ ពាក់ព័ន្ធករណីគ្រឿងញៀន
ខេត្តបាត់ដំបង:កម្លាំងជំនាញប្រឆាំងគ្រឿងញៀន នៃអធិការដ្ឋាននគរបាលក្រុងបាត់ដំបង បានចុះប្រតិបត្តិការបង្ក្រាបករណី រក្សាទុក នូវសារធាតុញៀនដោយខុសច្បាប់ ១ករណីក្នុងបទល្មើសជាក់ស្តែង ដោយឃាត់ខ្លួនជនសង្ស័យបាន១នាក់។
សូមជម្រាបដែរថា ការចុះប្រតិបត្តិការបង្ក្រាបខាងលើនេះបានធ្វើឡើងកាលពីវេលាម៉ោង១៦និង១០នាទីរសៀល ថ្ងៃទី០៣ ខែមិថុនា ឆ្នាំ២០១៩ នៅចំណុចក្រុមទី១០ ភូមិតាព្រួច សង្កាត់ក្តុលដូនទាវ ក្រុងបាត់ដំបង ខេត្តបាត់ដំបង។
បើតាមសមត្ថកិច្ចបានឲ្យដឹងថា ជនសង្ស័យមានឈ្មោះ វ៉ាន់ ឧសភា ហៅធា ម៉ាប់ ភេទប្រុស អាយុ៣២ឆ្នាំ មានទីលំនៅក្រុមទី១០ ភូមិតាព្រួច សង្កាត់ក្តុលដូនទាវ ក្រុងបាត់ដំបង ខេត្តបាត់ដំបង។
ក្រោយពីឃាត់ខ្លួនកម្លាំងសមត្ថកិច្ចរឹបអូសបាននូវវត្ថុតាងមួយចំនួនរួមមាន:
ម្សៅក្រាមពណ៏សថ្លាច្រកក្នុងថង់ប្លាស្ទីកថ្លា ចំនួន០៦ថង់ ធំ០៣ថង់ តូច០៣ថង់,ទូរស័ព្ទដៃ០១គ្រឿង(ចាស់)រួមនឹងសម្ភារៈកែឆ្នៃសំរាប់ប្រើប្រាស់ថ្នាំញៀនមួយចំនួន។
បច្ចុប្បន្នជនសង្ស័យរួម និងវត្ថុតាងត្រូវបានសមត្ថកិច្ចកំពុង ធ្វើការសាកសួរ និងកសាងសំណុំរឿង ដើម្បីចាត់ការបន្តតាមនីតិវិធី៕
