លោក មុត ខៀវ នាំយកអំណោយជាថវិកា ប្រគល់ជូនក្រុមគ្រួសារ នៃសពកម្មករសំណង់ ដែលបានស្លាប់ចំនួន៦នាក់ ស្ថិតក្នុងស្រុកកំពង់ត្រាច
ខេត្តកំពត៖លោក ខៀវ មុត ប្រធានក្រុមសមាជិកព្រឹទ្ធសភាភូមិភាគទី៥ អនុប្រធានគណៈកម្មការទី១ ព្រឹទ្ធសភា តំណាងដ៏ខ្ពង់ខ្ពស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា និងប្រតិភូអមដំណើ កាលពីព្រឹកថ្ងៃសុក្រ ១១រោច ខែជេស្ឋ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៨ ខែមិថុនា ឆ្នាំ២០១៩ បានអញ្ជើញនាំយកអំណោយជាថវិកាប្រគល់ជូនក្រុមគ្រួសារ នៃសពកម្មករសំណង់ ដែលបានស្លាប់បាត់បង់អាយុជីវិតចំនួន០៦នាក់ ស្ថិតនៅក្នុងភូមិបឹងធំខាងកើត និងភូមិព្រៃទទឹង ឃុំអង្គសុរភី ស្រុកកំពង់ត្រាច ខេត្តកំពត ដែលរងគ្រោះដោយឧបទ្ទវហេតុបាក់រលំអគារសំណង់នៅខេត្តព្រះសីហនុ។
អំណោយជាថវិកា បានប្រគល់ជូនក្រុមគ្រួសារសពទាំង៦ ដោយគ្រួសារនីមួយៗទទួលបានថវិកាចំនួន១,០០០,០០០៛ សរុបរួម៦,០០០,០០០៛។
បន្ទាប់មកនៅវេលាម៉ោង០៣រសៀល នាថ្ងៃដដែល លោក អូន ខន អភិបាលស្រុក អមដំណើ ដោយលោកអភិបាលរងស្រុក លោកនាយករដ្ឋបាលស្រុក និងសហការីរួមនឹងព្រះចៅអធិ ការវត្តអង្គកកោះ តំណាងព្រះអនុគុណស្រុក បាននាំយកអំណោយជាសំភារៈ និងថវិកា ចូលរួម ក្នុងពិធីបុណ្យសពគំរប់៧ថ្ងៃ ប្រគល់ជូនដល់ក្រុមគ្រួសារសពទាំង៦ នៅភូមិឃុំខាងលើ ដើម្បីចាត់ចែងធ្វើបុណ្យតាមប្រពៃណី ។
អំណោយជាសំភារៈ និងថវិកា ផ្តល់ជូនគ្រួសារសពទាំង៦ ដោយក្នុងមួយគ្រួសារៗទទួលបានថវិកាចំនួន២៦០,០០០៛ រួមនឹងអង្ករ៥០គ.ក,មី១កេស,ត្រីខ១ឡូ,ទឹកត្រី១យួរ និងទឹកស៊ីអ៊ីវ១យួរ សរុបរួមថវិកា១,៥៦០,០០០៛ និងអង្ករ៣០០គ.ក, មី៦កេស,ត្រីខ៦ឡូ,ទឹកត្រី៦យួរ និងទឹកស៊ីអ៊ីវ៦យួរ៕
