មន្ទីរសុខាភិបាលខេត្តកោះកុង បន្តយុទ្ធនាការអប់រំផ្សព្វផ្សាយ ស្ដីអំពីជំងឺគ្រុនឈាម និងវិធីបង្ការ នៅទូទាំងស្រុកស្រែអំបិល
ខេត្តកោះកុង៖នាថ្ងៃទី២៧ ខែមិថុនា ឆ្នាំ២០១៩ មន្ទីរសុខាភិបាលខេត្តកោះកុង រួមជាមួយការិយាល័យសុខាភិបាលស្រុកប្រតិបត្តិស្រែអំបិល មន្ទីរពេទ្យបង្អែកស្រែអំបិល មណ្ឌលសុខភាពបឹងព្រាវ មណ្ឌលសុខភាពស្រែអំបិល សហការជាមួយរដ្ឋបាលស្រុកស្រែអំបិល អាជ្ញាធរមូលដ្ឋាន កងកម្លាំងប្រដាប់អាវុធ ក្រុមយុវជនសហភាពសហព័ន្ធយុវជនកម្ពុជា ក្រុមយុវជនកាកបាតក្រហមកម្ពុជា ព្រមទាំងសិស្សានុសិស្ស បានបន្តយុទ្ធនាការអប់រំផ្សព្វផ្សាយស្ដីអំពីជំងឺគ្រុនឈាម និងវិធីបង្ការ នៅទូទាំងស្រុកស្រែអំបិល ខេត្តកោះកុង។
យុទ្ធនាការនេះផ្ដោតទៅលើចំនុចសំខាន់ៗដូចជា៖
-ការផ្សព្វផ្សាយអំពីជំងឺគ្រុនឈាម វិធីបង្ការការពារ បំបាត់ជំរកមូស ករណីសង្ស័យត្រូវបញ្ជូនអ្នកជំងឺទៅកាន់មូលដ្ឋានសុខាភិបាលដែលនៅជិតបំផុត។
-ការដាក់ថ្នាំអាបែតសម្លាប់ដង្កូវទឹកក្នុងពាងទឹក អាងទឹក។
-ការបាញ់ថ្នាំសម្លាប់មូសខ្លានៅសាលារៀន មន្ទីរពេទ្យ មណ្ឌលសុខភាព វត្តអារាម លំនៅដ្ឋានប្រជាជន គ្មាននទឹកដក់ គ្មានដង្កូវទឹក គ្មានមូសខ្លា គ្មានជំងឺគ្រុនឈាម គ្រួសារមានសុខភាពល្អ៕
