សាខាកាំកុត្រូល ខេត្តព្រះសីហនុ បន្តចុះផ្សព្វផ្សាយអំពីគុណភាព សុវត្ថិភាពម្ហូបអាហារ និង ត្រួតពិនិត្យផលិតផលទំនិញវេចខ្ចប់ នៅផ្សារទំនប់រលក
ខេត្តព្រះសីហនុ៖នាព្រឹកថ្ងៃថ្ងៃទី២៦ ខែមិថុនា ឆ្នាំ២០១៩ មន្រ្តីសាខាកាំកុត្រូល ខេត្តព្រះសីហនុ សហការជាមួយអាជ្ញាធរដែនដី បានបន្តចុះផ្សព្វផ្សាយអំពីគុណភាព សុវត្ថិភាពម្ហូបអាហារ ត្រួតពិនិត្យផលិតផលម្ហូបអាហារ និងទំនិញវេចខ្ចប់ នៅក្នុងផ្សារទំនប់រលក ផ្សារម៉ាតម្តុំឧតុនិយម និងប៉ូចែកចាយគ្រឿងសមុទ្រស្រស់នៅក្នុងក្រុសព្រះសីហនុ ខេត្តព្រះសីហនុ។
មន្រ្តីជំនាញកាំកុងត្រូលខេត្តព្រះសីហនុ បានឲ្យដឹងថា នៅក្នុងសកម្មភាពចុះត្រួតពិនិត្យ មន្ត្រីជំនាញបានដកយកគំរូម្ហូបអាហារមួយចំនួនមកធ្វើតេស្តបឋមរួមមាន៖បង្គារ មឹកស្រស់ អយស្ទ័រ ត្រីប្រា ត្រីងៀត ជ្រក់ស្ពៃ សណ្តែកបណ្តុះ ដើម្បីរកសារធាតុគីមីហាមឃាត់ ដែលអាចធ្វើឱ្យប៉ះពាល់ដល់សុខភាពប្រជាពលរដ្ឋ។
ជាមួយគ្នានោះដែរ មន្ត្រីជំនាញបានធ្វើការត្រួតពិនិត្យ រកភាពមិនអនុលោមនៅលើសំបក វេចខ្ចប់ផលិតផលម្ហូបអាហារផងដែរ ជាលទ្ធផល មន្ត្រីជំនាញពុំបានរកឃើញមានវត្តមាន សារធាតុគីមីហាមឃាត់ នៅលើផលិតផលម្ហូបអាហារខាងលើ និងពុំមានការដាក់តាំងលក់ ទំនិញម្ហូបអាហារវេចខ្ចប់ស្រាប់ ខូចគុណភាពហួសកាលបរិច្ឆេទ នោះទេ។
មន្រ្តីកាំកុងត្រូល បានឲ្យដឹងទៀតថា៖កាលដែលមន្ត្រីជំនាញចុះពិនិត្យនេះក្នុងគោលបំណង ទប់ស្កាត់ការចរាចរណ៍ទំនិញខូចគុណភាព ក្លែងបន្លំស្លាកសញ្ញា ផុតកំណត់កាលបរិច្ឆេទ ប្រើប្រាស់ និងមានសារធាតុគីមីហាមឃាត់ ដែលធ្វើឲ្យប៉ះពាល់ដល់សុខភាពប្រជាពលរដ្ឋ៕