រថន្តស៊េរីទំនើបចំនួន៥គ្រឿង ដែលមិនទាន់បំពេញកាតព្វកិច្ចពន្ធ និងអាករនាំចូល ត្រូវបានមន្ត្រីគយ និងរដ្ឋាករខេត្តកំពង់ស្ពឺ ចុះបង្ក្រាប
ខេត្តកំពង់ស្ពឺ៖សាខាគយ និងរដ្ឋាករ សហការជាមួយកម្លាំងកងរាជអាវុធហត្ថខេត្តកំពង់ស្ពឺ បានចុះធ្វើការស្រាវជ្រាវរហូតឈានដល់ការបង្ក្រាប បានរថយន្តស៊េរីទំនើបចំនួន៥គ្រឿង ដែលមិនទាន់បំពេញកាតព្វកិច្ចពន្ធ និងអាករនាំចូល នៅចំណុចភូមិសាស្ត្រក្រុងច្បារមន ខេត្តកំពង់ស្ពឺ កាលពីរសៀលថ្ងៃទី២៤ ខែមិថុនា ឆ្នាំ២០១៩។
បើតាមរបាយការណ៍សាខាគយ និងរដ្ឋាករខេត្តកំពង់ស្ពឺ បានឱ្យដឹងថា រថយន្តស៊េរីទំនើបទាំង០៥គ្រឿងដែលបង្ក្រាបបាននោះរួមមាន៖
ទី១៖រថយន្តម៉ាក Lexus 350 ផលិតឆ្នាំ2012 ពាក់ស្លាកលេខភ្នំពេញ 2AS-2244។
ទី២៖រថយន្តម៉ាក TOYOTA Vellfire ផលិត ឆ្នាំ2013 ពាក់ស្លាកលេខខេមរភូមិន្ទ ខ.ម 01-2-2547។ ទី៣៖រថយន្តម៉ាក Lexus GS300 ផលិត ឆ្នាំ2006 ពាក់ស្លាកលេខ ភ្នំពេញ2AG-3893។
ទី៤៖រថយន្តម៉ាក TOYITA Land Cruiser ផលិត ឆ្នាំ2011 ពាក់ស្លាកលេខភ្នំពេញ 2AO-9313 និង។ទី៥៖រថយន្តម៉ាក Rang Rover ផលិតឆ្នាំ2006 ពាក់ស្លាកលេខខេមរភូមិន្ទ ខម 02-2-1528។
បើទោះបីរថយន្តទាំង៥គ្រឿងខាងលើនេះ មានបំពាក់ស្លាកលេខក៏ដោយ មន្ត្រីគយបានធ្វើការស្រាវជ្រាវរហូតរកឃើញមានរថយន្តមិនទាន់បានបំពេញកាតព្វកិច្ចពន្ធ និងអាករនាំចូលឱ្យបានត្រឹមត្រូវឡើយ។
បច្ចុប្បន្នរថយន្តស៊េរីទំនើបទាំង៥គ្រឿងខាងលើនេះសាខាគយ និងរដ្ឋាករខេត្តកំពង់ស្ពឺ កំពុងធ្វើកំណត់បទល្មើស ដើម្បីសុំសេចក្តីសម្រេច៕
