មន្ត្រីនគបាលម្នាក់ ត្រូវបានសមត្ថកិច្ចចាប់ឃាត់ខ្លួន បន្ទាប់ពីយកកាំភ្លើងAKបាញ់រះ ផ្ទះបោកអ៊ុតស៊េរីទំនើបជាង១០គ្រាប់ បង្កឲ្យមានការភ្ញាក់ផ្អើល
រាជធានីភ្នំពេញ៖កាពីវេលាម៉ោងជាង១០យប់ ថ្ងៃទី២៤ ខែមិថុនា ឆ្នាំ២០១៩ មានករណីដែលគួរឲ្យភ្ញាក់ផ្អើលមួយបានកើតឡើង ដោយបុរសជាមន្ត្រីនគរបាល នាយរងការិយាល័យ ប្រឆាំគ្រឿងញៀន ក ៤ ម្នាក់ស្រវឹងស្រាបើករថយន្តមកឈប់ រួចដកកាំភ្លើងAKស្វាយបត់មួយដើមបាញ់រះ សំដៅទៅលើផ្ទះបោកអ៊ុតស៊េរីទំនើបជាង១០គ្រាប់ នៅបណ្តោយផ្លូវបេតុង ក្រោយមន្ទីពេទ្យរ៉ូយ៉ាល់ ភ្នំពេញ ស្ថិតនៅក្នុងភូមិទឹកថ្លា សង្កាត់ថ្លា ខណ្ឌសែនសុខ រាជធានីភ្នំពេញ សង្ស័យរឿងគំនុំ។
បើតាមប្រភពព័ត៌មានពីប្រជាពលរដ្ឋបានឲ្យដឹងថា មុនកើតគេឃើញមានរថយន្តម៉ាកហ៊ីយ៉ាន ស្តារ៉ិចពណ៌សមួយគ្រឿងពាក់ស្លាក លេខភ្នំពេញ2AX-9509មកឈប់នៅ ចំណុច កើតហេតុខាងលើ ហើយបានដកកាំភ្លើងបាញ់រះជាង១០គ្រាប់ សំដៅទៅលើផ្ទះបោកអ៊ុនស៊េរីទំនើ បបណ្តាលឲ្យធ្លុះធ្លាយទ្វារផ្ទះជា ច្រើនកន្លែងតែមិនបង្កឲ្យមានអ្នករងរបួស រួចបានបើករថយន្តចេញទៅបាត់ ភ្លាមៗនោះពួកគាត់បានរាយការណ៍ជូនសមត្ថកិច្ចជួយអន្ត្រាគមន៍។
លោក ហួ ម៉េងវាង អធិការដ្ឋាននគរបាលខណ្ឌសែនសុខបានឲ្យដឹងថា៖ ក្រោយពីទទួលព័ត៌មាននេះភ្លាមៗ លោកបានដឹកនាំកម្លាំងនគរបាលខណ្ឌ សហការណ៍ជាមួយកម្លាំង ប៉ុស្តិ៍នគរបាលរដ្ឋបាលទឹកថ្លា ចុះមកដល់កន្លែងកើតហេតុ និងបានធ្វើការសួនាំទៅលើម្ចាស់ ផ្ទះរងគ្រោះ រួចកំណត់មុខសញ្ញា និងធ្វើការ ស្រាវជ្រាវ រហូតឈានដល់ការឃាត់ខ្លួនជនសង្ស័យម្នាកដែលជាមន្ត្រីនគរបាល។
លោកបន្តថា ជនសង្ស័យមានឈ្នោះ ហេង សុវណ្ណារា ភេទប្រុស អាយុ៤៧ឆ្នាំ មុខរបរជានគរបាល មានតួនាទីនាយរងការិយាល័យប្រឆាំគ្រឿងញៀន (ក៤) មានទីលំនៅខាងក្រោយផ្សារទឹកថ្លា ស្ថិតនៅក្នុងសង្កាត់ទឹកថ្លា ខណ្ឌសែន រាជធានីភ្នំពេញ។
វត្ថុតាំងដែលដកហតបានមានអាវុធAKស្វាយបត់១ដើម និងរថយន្ត១គ្រឿង។
បច្ចុប្បន្នមន្ត្រីនគរបាលដែលបានបាញ់បោះសេរី ជាច្រើនគ្រាប់នោះ សមត្ថកិច្ចកំពុងធ្វើការសាកសូ នៅអធិការដ្ឋាននគរបាល ខណ្ឌសែនសុខ ដើម្បីកសាងសំណុំរឿងចាត់ការតាមនិតិវិធី៕