ជនជាតិចិនចំនួន៣នាក់ ដែលជាប់ពាក់ព័ន្ធនឹងករណីឆបោក ត្រូវបានសមត្ថកិច្ចចាប់ឃាត់ខ្លួន
ខេត្តកំពត:ជនជាតិចិនចំនួន០២នាក់ ដែលជាប់ពាក់ព័ន្ធករណីឆបោក ដោយយកមាសក្លែងក្លាយ មកបន្លំទៅលក់អោយជនរងគ្រោះ ត្រូវបានកម្លាំងការិយាល័យបទល្មើសព្រហ្មទណ្ឌ នៃមន្ទីរយុត្តិធម៌អាវុធហត្ថខេត្តកំពត សហការជាមួយនិងកងរាជអាវុធហត្ដក្រុងកំពត បានធ្វើការឃាត់ខ្លួននាវេលាម៉ោងជាង១០ព្រឹក ថ្ងៃទី២២ ខែមិថុនា ឆ្នាំ២០១៩ នៅចំណុចភូមិកំពង់បាយខាងជើង សង្កាត់កំពង់បាយ ក្រុងកំពត ខេត្តកំពត។
សមត្ថកិច្ចបានឲ្យដឹងថា:ជនសង្ស័យជាជនជាតិចិន ដែលត្រូវបានកម្លាំងសមត្ថកិច្ចចាប់ខ្លួនរួមមាន:
១-ឈ្មោះ ជុង ហាយមីង ភេទប្រុស អាយុ៥៣ ឆ្នាំ ជនជាតិចិន មុខរបរមិនពិតប្រាកដ។
២-ឈ្មោះ ជិន ហាយមីង ភេទប្រុស អាយុ ៥២ឆ្នាំ ជនជាតិចិន មុខរបរ មិនពិតប្រាកដ។
៣-ឈ្មោះ អ៊ូ ឡីតុង ភេទប្រុស អាយុ៤៩ឆ្នាំ ជនជាតិចិន មុខរបរ មិនពិតប្រាកដ។
ជនរងគ្រោះមានឈ្មោះ តាំង ងីម ភេទស្រី អាយុ៧៨ឆ្នាំ មុខរបរ នៅផ្ទះ ទីលំនៅបច្ចុប្បន្ន ភូមិកំពង់បាយខាងជើង សង្កាត់កំពង់បាយ ក្រុងកំពត ខេត្តកំពត។
វត្ថុតាងដែលដកហូតបានរួមមានៈដុំមាសក្លែងក្លាយចំនួន៦២ដុំ (រូបតាមីឡឹ
ចំនួន៣,មាសស្នូកចំនួន៥៨ដុំ),ទូរស័ព្ទដៃ៣គ្រឿង,ប៉ាស្ព័រ១,ផ្លែរណា១,ម៉្សៅពណ៌ស១កញ្ចប់។
បច្ចុប្បន្នជនសង្ស័យរួមនិងវត្ថុតាង ត្រូវបានកម្លាំងជំនាញ កំពុងកសាងសំណុំរឿង ដើម្បីចាត់ការតាមនីតិវិធី៕
