ចាប់ឃាត់ខ្លួនជនសង្ស័យ២នាក់ ខណៈដឹកជ្រូកចំនួន៤ក្បាល ចេញពីប្រទេសវៀតណាម
ខេត្តស្វាយរៀង៖កម្លាំងប៉ុស្តិ៍នគរបាលរដ្ឋបាលដូង និងកម្លាំងប៉ុស្តិ៍ច្រកទ្វារតំបន់ព្រំដែនដូង សហការជាមួយមន្ត្រីគយច្រកដូង បានចាប់ឃាត់ខ្លួនជនសង្ស័យចំនួន២នាក់ ខណៈបើកម៉ូតូ២គ្រឿងដឹកជ្រូក ចំនួន៤ក្បាលចេញពីប្រទេសវៀតណាមកាត់ព្រៃដោយខុសច្បាប់។
ការចាប់ឃាត់ខ្លួនជនសង្ស័យទាំង២នាក់ រួមនឹងសត្វជ្រូកចំនួន៤ក្បាលនេះ បានធ្វើឡើងនាវេលាម៉ោង២១និង៤០នាទីយប់ថ្ងៃទី២០ ខែមិថុនា ឆ្នាំ២០១៩ នៅចំណុចផ្លូវកាត់ព្រៃ ខាងជើងច្រកទ្វារតំបន់ដូង ប្រមាណ៣គីឡូម៉ែត្រ (ជាប់ខ្សែបន្ទាត់ព្រំដែន) ស្ថិតភូមិពោន ឃុំដូង ស្រុករមាសហែក ខេត្តស្វាយរៀង រួចប្រគល់ឲ្យមន្ត្រីជំនាញពេទ្យសត្វតែម្តង។
សមត្ថកិច្ចបានឲ្យដឹងថា៖ជនសង្ស័យមានឈ្មោះ សោម វាសនា ភេទប្រុស និងឈ្មោះ សោម ឆេរ៉ាន់ ភេទប្រុស មានទីលំនៅនៅភូមិតាត្រាវ ឃុំកំពង់ត្រាច ស្រុករមាសហែក។
បច្ចុប្បន្នជនសង្ស័យរួមនិងវត្ថុតាងជ្រូកចំនួន៤ក្បាល ម៉ូតូ២គ្រឿង ត្រូវនាំយកមករក្សាទុកនៅប៉ុស្តិ៍ច្រកទ្វារតំបន់ដូង ដើម្បីប្រគល់អោយជំនាញបសុសត្វ ដើម្បីធ្វើការពិនិត្យ និងចាត់ការតាមនីតិវិធី៕
![]()
![]()
![]()