ឯកឧត្តម អ៊ូច ភា អភិបាលខេត្តតាកែវ ដឹកនាំមន្ត្រីក្រោមឱវាត អញ្ជើញចូលរួមរំលែកទុក្ខ និងគោរពវិញ្ញាណកន្ខ ជាមួយក្រុមគ្រួសារសព លោក ហេង គា មេឃុំចារ ស្រុកព្រៃកប្បាស ដោយរោគាពាធ
ខេត្តតាកែវ៖នាព្រឹកថ្ងៃសៅរិ៍ ៥រោច ខែជេស្ធ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២២ ខែមិថុនា ឆ្នាំ២០១៩ ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ អមដំណើរដោយលោក ញ៉ែម ស្រស់ អភិបាលស្រុក ព្រៃកប្បាស លោក លោកស្រី អភិបាលរងខេត្ត លោក លោកស្រី ប្រធានអនុប្រធានមន្ទីរអង្គភាពជុំវិញខេត្ត កងកំម្លាំងប្រដាប់អាវុធទាំង ៣ប្រភេទ ព្រមទាំងមន្រ្តីរាជការសាលាស្រុក និងប្រជាពលរដ្ឋ បានអញ្ជើញចូលរួមគោរពវិញ្ញាណកន្ខ និងរំលែកទុក្ខជាមួយក្រុមគ្រួសារសព លោក ហេង គា មេឃុំចារ ស្រុកព្រៃកប្បាស ខេត្តតាកែវ ដែលបានទទួល មរណៈភាពកាលពីថ្ងៃទី២០ ខែមិថុនា ឆ្នាំ២០១៩ ក្នុងជន្មាយុ៦៦ឆ្នាំ ដោយរោគាពាធ។
សូមជំរាបដែរថា៖ក្នុងការអញ្ជើញចូលរួមគោរពវិញ្ញាកន្ខ និងរំលែកទុក្ខនាឱកាសនោះដែរ ឯកឧត្តម អ៊ូច ភា អភិបាលខេត្តតាកែវ ក៏បានសម្ដែងនូវសមានចិត្តសោកស្ដាយជាពន់ពេក ចំពោះក្រុមគ្រួសារ ដែលបានបាត់បង់នូវសមាជិកម្នាក់ និងសោកស្តាយយ៉ាងខ្លាំងចំពោះមរណភាពរបស់លោក ពីព្រោះលោកមេឃុំចារ បានធ្វើការបំរើរាស្ត្រ បំរើផល ប្រយោជន៍ជាតិយ៉ាងច្រើនកន្លងមក៕