អ្នកលេង Facebook ឈ្មោះ យិន ហេង ហៅ« ចំប៉ីខ្មៅ» ត្រូវបានតុលាការក្រុងភ្នំពេញ កាត់ទោសដាក់ពន្ធនាគារ២ឆ្នាំ តែអនុវត្តទោសត្រឹម១ឆ្នាំ
រាជធានីភ្នំពេញ៖អ្នកលេង Facebook ឈ្មោះ យិន ហេង ហៅ ចំប៉ីខ្មៅ ត្រូវបានសាលាដំបូងរាជធានីភ្នំពេញ សម្រេចប្រកាសសាលក្រម នាថ្ងៃទី២០ ខែមិថុនា ឆ្នាំ២០១៩ ដោយផ្តន្ទាទោស ដាក់ពន្ធនាគារកំណត់រយៈពេល០២ឆ្នាំ ប៉ុន្តែអនុវត្តទោសត្រឹម១ឆ្នាំ ទោសសល់ប៉ុន្មានត្រូវព្យួរ និងពិន័យជាប្រាក់ចំនួន០៣លានរៀលចូលរដ្ឋ។
គួរម្លឹកដែរថា៖អ្នកលេង Facebook ឈ្មោះ យិន ហេង ហៅ«ចំប៉ីខ្មៅ» ភេទប្រុស មានទីលំនៅភូមិអណ្តូងពោធិ សង្កាត់កំពង់ប្រណាក ក្រុងព្រះវិហារ មានមុខរបរជានិស្សិតសកលវិទ្យាល័យ ត្រូវបានកម្លាំងសមត្ថកិច្ចជំនាញឃាត់ខ្លួន កាលពីយប់ថ្ងៃទី៥ ខែកុម្ភៈ ឆ្នាំ២០១៩ នៅចំណុចហាងមួយកន្លែងក្នុងសង្កាត់ជ័យជំនះ ខណ្ឌដូនពេញ រាជធានីភ្នំពេញ ក្បែរនិងព្រះបរមរាជវាំង បន្ទាប់ពីរូបគេបានបង្ហោះលើបណ្តាញ Facebook ដែលមានខ្លឹមសារប្រមាថពូជសាសន៍ខ្មែរយ៉ាងធ្ងន់ធ្ងរ៕