រដ្ឋបាលខេត្តបាត់ដំបង បើកសិក្ខាសាលា ស្តីពីសុខភាព នៃដំណាំស្រូវ ក្រោមអធិបតីភាពឯកឧត្តម ងួន រតនៈ អភិបាលខេត្ត
ខេត្តបាត់ដំបង:នាព្រឹកថ្ងៃព្រហស្បតិ៍ ៣រោច ខែជេស្ឋ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២០ ខែមិថុនា ឆ្នាំ២០១៩ ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង បានអញ្ជើញជាអធិបតី ក្នុងពិធីបើកសិក្ខាសាលា ស្តីពីសុខភាព នៃដំណាំស្រូវ នៅសណ្ឋាគារប្រេសុីដង់ ខេត្តបាត់ដំបង។
សូមជម្រាបដែរថា:សិក្ខាសានេះ មានគោលបំណង ផ្តល់ជូនកសិករ នូវចំណេះដឹង និងបទពិសោធន៍ ក្នុងការដាំដុះដំណាំស្រូវ ការថែទាំដំណាំស្រូវឲ្យមានសុខភាពល្អ សំដៅបង្កើនទិន្នផលស្រូវឲ្យមានការកើនឡើង តាមរយៈការជ្រើរើសពូជស្រូវ ការប្រើប្រាស់ថ្នាំកម្ចាត់សត្វល្អិត ថ្នាំការពារ និងថ្នាំព្យាបាលជម្ងឺ តាមរយៈការបង្ហាញពីអ្នកបច្ចេកទេស ដែលមានជំនាញ ។
សូមបញ្ជាក់ដែរថា:សិក្ខាសាលានេះរៀបចំឡើងដោយ ដោយមានការសហការជាមួយធនាគារអភិវឌ្ឍន៍ជបទ ក្រុមបៃតងកម្ពុជា និងក្រុមហ៊ុនជី Y.V.P របស់ប្រទេសថៃ និងដោយមានការអញ្ជើញចូលរួមពី ឯកឧត្តម ឧកញ៉ា ភួ ពុយ ប្រធានក្រុមប្រឹក្សាភិបាលក្រុមហ៊ុនបៃតងកម្ពុជា លោក ចាន់ សីហា អគ្គនាយករង ធនាគារអភិវឌ្ឍន៍ជនបទ លោកស្រី វ៉ូរ៉ារ៉ាត ប្រធានសមគមន៍អ្នកផលិតជីកសិកម្ម និងជាអនុប្រធានរោងចក្រផលិតជី Y.V.P ប្រទេសថៃ និង អាជ្ញាធរស្រុក ឃុំ ភូមិ និងសមាគមន៍កសិកម្ម កសិករ សិស្ស និសិ្សត ព្រមទាំងអ្នកប្រមូលទិញស្រូវផងដែរ៕