លោកឧត្តមសេនីយ៍ទោ អាត់ ខែម បើកយុទ្ធនាការ រឹតបន្តឹងច្បាប់ចរាចរណ៍ផ្លូវគោក និង ត្រួតពិនិត្យទឹកនោមរកសារធាតុញៀន
ខេត្តបន្ទាយមានជ័យះនាព្រឹកថ្ងៃទី៣១ ខែឧសភា ឆ្នាំ២០១៩
នៅបរិវេនស្នងការដ្ឋាននគរបាលខេត្តបន្ទាយមានជ័យ លោកឧត្តមសេនីយ៍ទោ អាត់ ខែម ស្នងការដ្ឋាននគរបាលខេត្តបន្ទាយមានជ័យ បានមានប្រសាសន៍ថា ទៅថ្ងៃមុខនេះលោកនឹងបើកយុទ្ធនាការត្រួតពិនិត្យទឹកនោមអ្នកបើកបររថយន្តគ្រប់ប្រភេទ ដើម្បីរកមើលនូវសារធាតុញៀនដែលជាមុខសញ្ញាប្រឈមបង្កគ្រោះថ្នាក់ចរចរណ៍ និងរឹតបន្តឹងច្បាប់ចរាចរណ៍ផ្លូវគោក ដើម្បីដោះស្រាយបញ្ហាគ្រោះថ្នាក់ចរាចរណ៍ ដែលខេត្តបន្ទាយមានជ័យ មានអត្រាគ្រោះថ្នាក់ចរាចរណ៍ក្នុងរយៈពេលចុងក្រោយនេះបង្កឲ្យការបាត់បង់អាយុជីវិតប្រជាពលរដ្ឋកើនឡើងគួរឲ្យព្រួយបារម្ភ។
ពាក់ព័ន្ធនឹងការដោះស្រាយបញ្ហាគ្រោះថ្នាក់ចរាចរណ៍នេះផងដែរលោកឧត្តមសេនីយ៍ទោ
អាត់ ខែម ក៏បានលើកឡើង និងដាក់ផែនការជម្រុញឲ្យកម្លាំងនគរបាលតាមគ្រប់ផ្នែក និងជំនាញនៅតាមមូលដ្ឋានសហការជាមួយកម្លាំងសមត្ថកិច្ចពាក់ព័ន្ធ និងអាជ្ញាធរដែនត្រូវបើកវេទិកាសាធារណៈផ្សព្វផ្សាយពីច្បាប់ចរាចរណ៍ផ្លូវគោកនិងផលប៉ះពាល់នៃគ្រោះថ្នាក់ចរាចរណ៍ជូនដល់ប្រជាពលរដ្ឋនិងសិស្សានុសិស្សឲ្យបានយល់ដឹង ហើយនាំគ្នាចូលរួមគោរពច្បាប់ចរាចរណ៍ឲ្យខ្ជាប់ខ្ជួន ដើម្បីការពារអាយុជីវិតខ្លួនឯង និងអាយុជីវិតអ្នកដទៃ។
ជាមួយគ្នានោះដែរ ក៏ត្រូវផ្សព្វផ្សាយអំពីផលប៉ះពាល់ពីការប្រើប្រាស់គ្រឿងញៀន ដែលធ្វើឲ្យអ្នកប្រើប្រាស់ ដូចជាខូចនូវប្រព័ន្ធសរសៃប្រសាទ ខូចអនាគត បាត់បង់ការសិក្សា និងក្លាយទៅជាមនុស្សហ៊ានប្រព្រឹត្តនូវបទល្មើសគ្រប់យ៉ាង ទន្ទឹមនឹងលួចទ្រព្យសម្បត្តិឪពុកម្តាយ ប្រើអំពើហឹង្សាក្នុងគ្រួសារ និងឈានទៅប្រព្រឹត្តអំពើលួចទ្រព្យសម្បត្តិអ្នកដទៃ ដល់ស្រទាប់យុវវ័យ សិស្សានុសិស្ស តាមសាលារៀន អនុវិទ្យាល័យ វិទ្យាល័យ សកលវិទ្យាល័យ រហូតដល់គ្រឹះស្ថានសិក្សា និងឧត្តមសិក្សាផងដែរ។
ដើម្បីឲ្យមានការយល់ដឹង និងចូលរួមទាំងអស់គ្នា ពីបញ្ហាប៉ះពាល់នៃគ្រឿងញៀននេះ។ជាមួយគ្នានោះដែរលោកឧត្តមសេនីយ៍ទោ អាត់ ខែម បានសំណូមពរឲ្យអ្នកបើកយានយន្តគ្រប់ប្រភេទបើកត្រូវយោគយល់ និងចេះអធ្យាស្រ័យគ្នាទៅវិញមកបញ្ហាគ្រោះថ្នាក់ចរាចរណ៍មួយចំនួនកន្លងមកក៏ផ្តើមចេញពីអ្នកបើកមិនយោគយល់គ្នា និងការបើកបរមានសេពគ្រឿងស្រវឹង និងបើកដោយប្រើប្រាស់គ្រឿងញៀនផងដែរ៕